Hosea 12:5 - Motingʼo Loko Manyien

⁵ Jehova Nyasaye Maratego, Jehova Nyasaye e nyinge mongʼerego!

MUMA MALER 2015

⁵ Mano ne Ruoth Nyasaye Manyalo Gik Moko Duto, kendo Ruoth Nyasaye e nying mibiro parego.

Hosea 12:5 ပူးပေါင်းရင်းမြစ်များ

Chakruok 28:16

Kane Jakobo ochiewo oa e nindo, noparo niya, “Adier Jehova Nyasaye nika kendo ne ok angʼeyo.”

Chakruok 32:30

Kuom mano Jakobo nochako kanyo ni Peniel (tiende ni wangʼ Nyasaye) kowacho niya, “Nikech aseneno Nyasaye wangʼ gi wangʼ kendo ngimana oresi.”

Chakruok 35:9

Bangʼ ka Jakobo nosea Padan Aram, Nyasaye nochako ofwenyorene kendo nogwedhe.

Zaburi 135:13

Yaye Jehova Nyasaye, nyingi osiko nyaka chiengʼ, yaye Jehova Nyasaye, humbi ochwere e tienge duto.

Zaburi 30:4

Werneuru Jehova Nyasaye, un joge maler; pakuru nyinge maler.

Wuok 3:15

Nyasaye nowacho ne Musa kendo niya, “Nyis jo-Israel kama, ‘Jehova Nyasaye ma Nyasach kwereu, kendo ma Nyasach Ibrahim gi Nyasach Isaka kendo Nyasach Jakobo; oseora iru.’ “Ma e nyinga manyaka chiengʼ, ma en nying manyaka parago, kuom tiengʼ ka tiengʼ.

Isaya 42:8

“Nyinga ma ongʼeyago en; Jehova Nyasaye! Ok anawe duongʼ mara ne nyasaye moro, bende pak ma ipakago ok nopakgo nyiseche mopa.