Hosea 10:3 - Motingʼo Loko Manyien

³ Eka giniwachi, “Waonge ruoth nikech watamore miyo Jehova Nyasaye luor. To kata kane wan gi ruoth, to dotimonwa angʼo?”

MUMA MALER 2015

³ Bang’e gibiro wacho niya, “Waonge gi ruoth nikech ne ok waluoro Ruoth Nyasaye. To kata kamano ere gima ruoth ditimnwa?”

Hosea 10:3 ပူးပေါင်းရင်းမြစ်များ

Chakruok 49:10

Ludh duongʼ ok noa e lwet Juda kata odunga mar teko ok noa e tiende, nyaka wuon loch ma biro rito ogendini duto chopi kendo luor mar ogendini nobed kuome.

2 Ruodhi 15:13

Shalum wuod Jabesh nobedo ruoth e higa mar piero adek gochiko mar loch Uzia ruodh Juda, kendo nobedo ruoth Samaria kuom dwe achiel.

Zaburi 118:9

Ber pondo kuom Jehova Nyasaye moloyo geno kuom ruodhi.

Zaburi 12:4

mawacho niya, “Wabiro wuoyo kaka wahero; kendo onge ngʼama biro tamowa. Koso en ngʼa ma ruodhwa manyalo tamowa timo kamano?”

Isaya 5:19

kod joma wacho ni joga niya, “Nyasaye mondo oreti, kendo otim gima odwaro timo, mondo wanene. We gima Jal Maler mar Israel dwaro timo otimre mondo wangʼeye.”

Hosea 10:15

Ma e kaka notimre ne un bende, yaye Bethel, nikech anjawo maru duongʼ. Ka odiechiengno ochopo, ruodh Israel notiek chuth.”

Hosea 10:7

Samaria kod ruodhige nolew gi malo mana ka bad yien malewo gi malo ewi pi.

Hosea 11:5

“Donge ginidog Misri kendo Asuria nobedi gi loch kuomgi, nikech gitamore weyo richogi?

Hosea 13:10

Ere ruodhu mondo koro oresu? Ere jotendu e miechu, mane usekwayo ni, ‘Miwa ruodh kod jotendwa?’

Hosea 13:11

Kuom ich wangʼ mare ne amiyou ruoth kendo e mirimba ne agole oko.

Hosea 3:4

Nimar jo-Israel biro dak ndalo mangʼeny ka gionge gi ruoth kata jotelo, ka ok gitim misango maonge kido moro milamo, kata law akor mar dolo miluongo ni efod kata nyiseche manono.

Mika 4:9

Angʼo momiyo koro iywak matek kamano, ionge gi ruoth koso? Dipo ka jangʼadni rieko osetho, marem chami mana ka dhako mamuoch kayo?

Johana 19:15

To ne gikok niya, “Gole e wangʼwa! Gole e wangʼwa! Gure!” Pilato nopenjogi niya, “Udwaro ni agur ruodhu?” Jodolo madongo nodwoke niya, “Wan waonge gi ruoth machielo makmana Kaisar kende.”

1 Samuel 12:25

To ka usiko ka utimo marach, to un kaachiel gi ruodhu ibiro tieku.”