Hagai 2:14 - Motingʼo Loko Manyien

¹⁴ Eka Hagai nowacho niya, “ ‘Jehova Nyasaye wacho ni: Mano bende e kaka jo-Israel kod gik moko duto ma giwachona ei hekaluni ogak.’

MUMA MALER 2015

¹⁴ Eka Hagai nowacho niya, “Ruoth Nyasaye wacho kama: Mano e kaka jo-Israel, kod gik moko duto ma gitimo, chalo. Mano emomiyo gik moko duto ma gichiwona e Hekaluni ogak.

Hagai 2:14 ပူးပေါင်းရင်းမြစ်များ

Ngeche 15:8

Jehova Nyasaye odagi misango mar jaricho, to lamo mar ngʼat moriere tir miye mor.

Ngeche 21:27

Misango mar jaricho ok ber, onyalo bedo marach maromo nade ka ochiwe gi paro marach!

Ngeche 21:4

Wangʼ teko, chuny mar sunga kod taya mar jo-mahundu, gin richo!

Ngeche 28:9

Ka ngʼato odino ite ne chik, kata mana lemone bende richo.

Isaya 66:3

To ngʼato angʼata moyangʼo rwath katimogo misango chal gi ngʼat monego dhano, kendo ngʼato angʼata motimo misango mar rombo, chal gi ngʼama oturo ngʼut guok, kendo ngʼato angʼata mochiwo misango mar cham chal gi ngʼat mochiwo remb anguro, bende ngʼato angʼata mowangʼo ubani mangʼwe ngʼar mar rapar, chal gi ngʼama lamo nyiseche manono. Giseyiero yoregi giwegi kendo chunygi mor gi timbegi mag rondogo;

Hosea 9:4

Ok gini olne Jehova Nyasaye misango mar divai, bende misengini ma gichiwo ok nomor Jehova Nyasaye ngangʼ. Misengini machalo kamano nochal negi mana kaka chiemb joma ywak; kendo jogo mochamogi nobed mogak. Chiemoni nobed margi giwegi; omiyo ok nokele e hekalu mar Jehova Nyasaye.

Tito 1:15

Gik moko duto ler mana ni jomaler, to kuom joma okethore ma ok oyie to onge gima ler. Chutho, pachgi kaachiel gi chunygi monego onyisgi kethogi osetho.

Juda 1:23

resgiuru ka ugologi e mach mondo ures ngimagi, to moko kuomgi to kechuru kutangʼ kendo kuluor, ka umon kata mana gi lepgi ma gombogi mag richo osechido.