Hagai 1:2 - Motingʼo Loko Manyien

² Jehova Nyasaye Maratego wacho niya, “Ogendinigi wacho ni, ‘Kinde pok ochopo monego gerne Nyasaye hekalu mare.’ ”

MUMA MALER 2015

² “Ruoth Nyasaye Manyalo Gik Moko Duto wacho kama: Ogandani wacho ni kinde pok ochopo mar chako gero Hekalu mara.”

Hagai 1:2 ပူးပေါင်းရင်းမြစ်များ

2 Ruodhi 12:7

Kuom mano ruoth Joash noluongo Jehoyada jadolo kod jonabi mamoko, mopenjogi niya, “Angʼo momiyo ok ulos kuonde mane okethore e hekalu? Kik uchak ukaw pesa ir jokenou, to utergi ne joma onego olos kuonde momukore e hekalu.”

Ezra 4:23

Mapiyo nono bangʼ ka baruwa machal gi mane oor ne Ruoth Artaksases nosesom ne Rehum kod Shimshai ma jagoro gi joma gitiyogo kanyakla, negidhi mana gisano Jerusalem ir jo-Yahudi kendo ne gichunogi mondo giwe tich.

Nehemia 4:10

Kuom mano, jo-Juda nowacho niya, “Pidhe mag kuonde momukore ngʼeny, to teko joma gologi odok chien, omiyo koro ok wanyal dhi nyime gigero ohinga.”

Ngeche 22:13

Jasamuoyo wacho niya, “Sibuor ni oko!” Kata, “Ibiro nega e yore mag dala!”

Ngeche 29:25

Luoro mar dhano biro nyisore ni en gima duodo ngʼato, to ngʼat mogeno kuom Jehova Nyasaye orite maonge hinyruok.

Eklesiastes 11:4

Ngʼama osiko mana ka ngʼiyo kor polo ok nokom; to ngʼama rito mana ni mondo koth ochwe, ok noke.

Eklesiastes 3:3

kinde mar nek kod kinde mar chang, kinde mar muko kod kinde mar gero,

Eklesiastes 9:10

Gimoro amora ma lweti oyudo mondo otim, time gi tekri duto, nimar ei bur, kama ibiro idhiyoe, onge tich kata loso chenro kata ngʼeyo kata rieko.

Hagai 1:1

Kane ochopo chiengʼ mokwongo mar dwe mar auchiel, e higa mar ariyo mar loch ruoth Darius, Jehova Nyasaye nowuoyo gi dho janabi Hagai ne Zerubabel wuod Shealtiel, mane jatend piny Juda, gi Joshua wuod Jehozadak, jadolo maduongʼ kowacho niya,

Hagai 1:3

Eka wach Jehova Nyasaye nobiro gi dwond janabi Hagai kawacho niya:

Kwan 13:31

To joma nodhi kode kuno nowacho niya, “Ok wanyal monjo jogo; gitek moloyowa.”