Habakuk 1:10 - Motingʼo Loko Manyien

¹⁰ Ginyiero ruodhi kendo gijaro jotelo. Ginyiero mier mochiel gi ohinga motegno; gigero pidhe mag lowo ma giidhogo ohinga kendo gimako mier mochiel motegno.

MUMA MALER 2015

¹⁰ “Gijaro ruodhi kod jodonggi, bende giseyo kuonde mochiel motegno mag siro lweny, nikech gidhuro pidhe mag lowo, ma giidhogo ohinga, kendo gimuko kuonde mochiel motegnogo.

Habakuk 1:10 ပူးပေါင်းရင်းမြစ်များ

2 Ruodhi 24:12

Jehoyakin ruodh Juda, min mare, jotende jodonge kod jongʼadne rieko duto nochiwore e lwet ruodh Babulon. Jehoyakin noket e twech e higa mar aboro mar Loch ruodh Babulon.

2 Weche mag Ndalo 36:10

E ndalo chwiri ruoth Nebukadneza nooro wach mondo oome otere Babulon kaachiel gi gige lemo mabeyo mag hekalu mar Jehova Nyasaye kendo noketo owadgi wuon Jehoyakin, ma nyinge Zedekia mondo obed ruodh Juda kod Jerusalem.

2 Weche mag Ndalo 36:6

Nebukadneza ruodh Babulon nomonje motweye gi rateke mag mula motere Babulon.

Isaya 10:9

Donge Kalno osechalo gi Karkemish? Donge Hamath chal mana gi Arpad, kendo Samaria mana ka Damaski?

Isaya 14:16

Ji duto maneni biro ngʼiyi ka giwuoro, kendo penjo ka gihum kuom gima osetimore niya, “Bende ma e ngʼat mane yiengo piny kendo miyo pinjeruodhi tetni,

Isaya 37:13

Tinde ere ruodh Hamath, gi ruodh Arpad gi ruodh dala maduongʼ mar Sefarvaim, kata ruodh Hena kod Iva?”

Jeremia 30:5

“Ma e gima Jehova Nyasaye wacho: “ ‘Ywak mar luoro winjore, en bwok malich, to ok kwe.

Jeremia 32:24

“Ne kaka oger pidhe madongo but dala maduongʼ mondo gimonje kendo gikawe. Nikech ligangla, kech kod masiche, dala maduongʼ nochiwne jo-Babulon ma monje. Gima ne iwacho osetimore kaka koro inene.

Jeremia 33:4

Nimar ma e gima Jehova Nyasaye, Nyasach Israel, wacho kuom ute manie dala maduongʼni kod kuonde dak mar ruodh Juda ma osemuki mondo tigo kaka pidhe kod ligangla

Ezekiel 21:31

Abiro olo mirimba mager kuomi kendo abiro olo mirimba maliel ka mach kuomi; bende abiro e lwet jo-mahundu, ma gin joma olony e ketho gik moko.

Ezekiel 26:8

Jogi modak e mier ma ok ni e chula noneg gi ligangla; wasikigo nokuny buche mi giket pidhe mag lowo mogingore e bath ohingani, kendo ginimonji ka gigengʼore gi kuodi.

Zefania 1:8

“E odiechiengʼ mitimoe misango mar Jehova Nyasaye abiro kumo joka ruoth, yawuot ruoth, kaachiel gi ji duto morwakore gi lewni mag jopinje mamoko.