Fweny 3:15 - Motingʼo Loko Manyien

¹⁵ Angʼeyo timbeni ni ok ingʼich bende ok iliet. Dine ber kibedo maliet kata mangʼich!

MUMA MALER 2015

¹⁵ “ ‘Ang’eyo timbeni duto. Ang’eyo ni ok ing’ich, bende ok iliet. To daber kibedo maliet kata mang’ich.

Fweny 3:15 ပူးပေါင်းရင်းမြစ်များ

1 Ruodhi 18:21

Elija nodhi mochungʼ e nyim ji mowachonegi niya, “Nyaka karangʼo ma ubiro digni e kind paro ariyo? Ka Jehova Nyasaye en Nyasaye, luweuru, to ka Baal en nyasaye luweuru.” To ji ne olingʼ thi.

Ngeche 23:26

Wuoda, miya chunyi, kendo ket wengegi orit yorena,

Hosea 10:2

Chunygi opongʼ gi miriambo kendo koro nyaka gitingʼ mana kum marom kodgi. Jehova Nyasaye nomuk kendegi mag misango kendo kitegi ma gilamo bende nokethi.

Hosea 7:8

“Efraim riwore gi ogendini, kendo ochalo gi makati ma ok okuot.

Mathayo 10:37

“Ngʼato angʼata mohero wuon-gi kata min-gi moloya ok owinjore koda. Kamano bende, ngʼato angʼata mohero wuode kata nyare moloya ok owinjore koda;

Mathayo 24:12

Nikech timbe maricho nomedre, hera mar ji mangʼeny nodok mangʼich,

Mathayo 6:24

“Onge jatich manyalo tiyo ne ruodhi ariyo. Nimar obiro chayo achiel to ohero machielo, kata obiro chiwore ne achiel to ochayo machielo. Ok inyal tiyo ne Nyasaye kendo ne pesa.

Jo-Rumi 12:11

Kik chunyu nyosre, to meduru bedo motegno, kutiyo ni Ruoth.

1 Jo-Korintho 16:22

Ka ngʼato ok ohero Ruoth, to mondo okwongʼe! Yaye Ruoth, bi.

2 Jo-Korintho 12:20

Aluor ni ka abiro iru kuno to anyalo yudou ka ok uchal kaka adwaro ni uchal, kendo un bende unyalo yudo ka apogora gi kaka udwaro ni abedi. Aluor ni anyalo yudo ka nitie dhawo gi nyiego, gi mirima, gi pogruok, gi ajara, gi kuoth, gi sunga kod koko e dieru.

Rapar mar Chik 5:29

Yaye, dine ber ka chunygi osiko koluora kendo orito chikena duto mondo omi gidhi maber kaachiel gi nyithindgi nyaka chiengʼ!

Jo-Filipi 1:9

Kendo ma e lamona mondo herau omedre mathoth ahinya kuom rieko kod ngʼeyo,

2 Jo-Thesalonika 1:3

Nyaka wadwokne Nyasaye erokamano kinde duto nikech un jowetewa kendo owinjore watim kamano nikech yie ma un-go medo bedo motegno, kendo hera muherorugo ngʼato gi ngʼato bende medore.

Jakobo 1:8

nikech en ngʼat ma pache nyadiriyo kendo ma timbene duto yomyom.

1 Petro 1:22

Kaka koro usepwodhuru uwegi kuom luwo adiera, mondo eka uher joweteu, koro herreuru ngʼato gi ngʼato gihera matut, kendo timuru kamano gi chunyu duto.

Fweny 2:2

Angʼeyo timbeni gi tichni matek kod kinda mari. Angʼeyo ni isetiyo matek kendo isetimo kinda. Angʼeyo ni imon gi joma timo timbe mamono. Angʼeyo ni isetemo joma luongore ni joote, to ok gin joote, ma iyudo ni gin jo-miriambo.

Fweny 2:4

To kata kamano an kodi gi wach; iseweyo hera mane iherago mokwongo.

Fweny 3:1

“Ndik ne malaika morito kanisa man Sarde kama: Magi e weche mag Jal motingʼo Roho abiriyo mag Nyasaye kod sulwe abiriyo. Angʼeyo timbeni; kendo kaka igeno ni in gi nying ni ingima to adiera isetho.

Fweny 3:16

To nikech koro indhem-ndhem, ok iliet bende ok ingʼich, abiro ngʼogi oko.