Fweny 19:17 - Motingʼo Loko Manyien

¹⁷ To bangʼe ne aneno malaika moro kochungʼe wangʼ chiengʼ, nogoyo koko gi dwol maduongʼ ne winy duto mane huyo e kor polo niya, “Biuru, uchokru kaachiel e kar sawo maduongʼ mar Nyasaye,

MUMA MALER 2015

¹⁷ Eka ne ang’iyo wang’chieng’ mi aneno malaika moro kochung’ kuno. Ne okok matek ni winy duto mane huyo e kor polo niya, “Chokreuru ubi e sawo maduong’ mar Nyasaye,

Fweny 19:17 ပူးပေါင်းရင်းမြစ်များ

Isaya 29:2

To kata kamano abiro monjo Ariel mi enobedi gi ywagruok kod kuyo, kendo enochalna mana ka kendo mar misango.

Isaya 56:9

Biuru un le manie thim, biuru mondo utiek gik moko un le mag bungu duto!

Jeremia 12:9

Donge girkeni maga osebedona ka kweth mag achudhe, ma achudhe mamoko lworo mondo okedgo? Dhi kendo ichok le mag bungu duto; kelgi mondo gikidh joga.

Ezekiel 31:13

Winy duto mafuyo e kor polo nopiyo e yath mopodhono, kendo le duto mag bungu nonyonore e bedene madongo mopodhogo.

Fweny 14:6

Eka ne aneno malaika machielo ka huyo e kor polo. Ne en gi Injili mochwere mane olando ne ji duto modak e piny, nolando wachno ne pinje duto, gi dhoudi duto kod dhok duto gi ogendini duto.

Fweny 19:21

To jogegi mane odongʼ noneg gi ligangla mane owuok e dho jaidh faras, kendo winy duto nokidho ringregi.

Fweny 8:13

Bangʼe nangʼicho mi awinjo ongo mafuyo e kor polo kaywak matek niya, “Lit! Lit! Lit ni joma odak e piny, nikech turumbete modongʼ ma malaike adek biro goyo!”

1 Samuel 17:44

Nowachone niya, “Bi ka abiro miyo winy ma e kor yamo ringi gi le man e thim.”