Fweny 18:17 - Motingʼo Loko Manyien

¹⁷ Mano kaka mwandu mathoth kama osekethi motieki kuom sa achiel kende!’ “Jotend yiedhi duto, gi jowuoth duto mawuotho gi yiedhi kod jokwangʼ yiedhi gi jogo duto maloko ohala e nam, ginichungʼ gichien.

MUMA MALER 2015

¹⁷ Yaye! Mano kaka oseketh mwandune duto mana kuom sa achiel kende!” To ji duto ma weg yiedhi gi jokwang’ gi jonam kod ji duto maloko ohala e nam ne ochung’ gi kuma bor.

Fweny 18:17 ပူးပေါင်းရင်းမြစ်များ

Isaya 23:14

Denguru un yiedhi moa Tarshish, nikech karu mochiel motegno osemuki!

Isaya 47:9

Gik moko ariyogi nochopni, e sa machwok kende e odiechiengʼ achiel: nyithindi notho kendo inibed dhako ma chwore otho. Masichegi duto nochopni, kendo timbe ajuoke gi ris miritorigo ok nokonyi.

Jeremia 51:8

Babulon nolwar apoya nono kendo notieke. Deng nikech en! Miye yath ne rem mare; sa moro onyalo chango.

Ywagruok 4:6

Kum mar joga duongʼ moloyo mano mar Sodom, mane lochne okethi mapiyo piyo nono maonge ngʼama nobiro mondo okonye.

Jona 1:6

Jatend yie nolor piny ire mowachone niya, “Mara angʼo in to inindo? Aa malo mondo iywagne nyasachi! Dipo ka oparowa, mondo kik watho.”

Tich Joote 27:11

To jatend jolweny ne ok odewo chik kata winjo gima Paulo ne owacho, makmana nowinjo mana wach wuon yie kod jatend yie.

Fweny 17:12

“Tunge apargo mane ineno, gin ruodhi apar mapok oyudo pinyruoth to ibiro miyogi teko mar locho kuom sa achiel kende, kaka ruodhi kaachiel gi ondiek malichno.

Fweny 17:16

To ondiek malichno gi tunge apargo mane ineno biro bedo mager kod dhakono ma jachode. Ginihinye kagitieke kendo weye duk; ginicham ringre, kendo giniwangʼe duto gi mach.

Fweny 18:19

Ginibuk wigi gi buru ka gigoyo nduru niya, “ ‘Mano kaka lit! Mano kaka lit, yaye dala maduongʼ, kama ji duto mane nigi yiedhi e nam, nobedo joma omewo nikech mwandune. Mano kaka osekethe kendo otieke chutho mana kuom sa achiel kende!’