Fweny 14:20 - Motingʼo Loko Manyien

²⁰ Olembego ne obi kinyonogi gi tielo e kar bichono e pap oko mar dala, to remo nochwer kamol kawuok kar bichono, mochopo mabor moromo kilomita mia adek koa e dala, to tut remono ne nyalo romo fut abich.

MUMA MALER 2015

²⁰ Olembe ne obi kinyono kar bichono e alap mar dala, kendo remo mamol kawuok kar bichono, mochopo kilomita adek koa e dala, to tut remono ne dirom mita ariyo.

Fweny 14:20 ပူးပေါင်းရင်းမြစ်များ

Chakruok 49:11

Obiro tweyo pundane e kor mzabibu, enotue nyathi pundane e mzabibu moyier; kendo obiro luoko lepe gi divai makwar.

Isaya 66:24

“Giniwuogi mi gine ringre joma otho mosepiem koda, kudni machamogi ok notho kata mach mawangʼogi ok notho kendo ginibed gik ma piny ngima ojokgo.”

Ywagruok 1:15

“Ruoth Nyasaye osekwedo jolweny maga duto; osechoko jolweny mondo omonja, kendo otiek yawuota ma jolweny. Ruoth Nyasaye osekumo nyar Juda mapok ongʼeyo chwo e kare mar biyo olemb mzabibu.

Ezekiel 32:6

Abiro budo lowo gi rembi mamol koa ewi gode, kendo holni biro pongʼ gi ringri.

Joel 3:13

Runduru musmeno, nikech cham ochiek. Biuru, unyon yiend Zeituni nikech kar biyo mzabibu opongʼ, kendo degni opongʼ mopukore. Mano kaka timbegi maricho dongo!”

Rapar mar Chik 32:14

Bende negiyudo mo moleny gi chak mag dhok kod mar nyirombe kod diek, kod imbe machwe mowuok Bashan kod mo mar cha ngano. Ne gimadho divai mochiek maber mar mzabibu.

Fweny 11:8

Ringregi noriere koriyo e yo mar dala maduongʼno, ma iluongo gi ngero ni Sodom kod Misri, dalano e kama nogurie Ruodhgi.