Ezra 9:13 - Motingʼo Loko Manyien

¹³ “Gima osetimorenwa en nikech timbewa mamono kod kethowa ma ok odhi kare, to kata kamano, Nyasachwa, ne ok ikumowa moromore gi richowago, to niweyo jowa otony, mi wabedo thuolo kaka koroni.

MUMA MALER 2015

¹³ “A Nyasachwa, nikumowa kuom richowa kendo kuom kethowa maduong’. Kata kamano ne ok ikumowa maromre gi richowago, to niweyo jowa moko otony, mi wabedo thuolo kaka koroni.

Ezra 9:13 ပူးပေါင်းရင်းမြစ်များ

Nehemia 13:18

Donge kwereu notimo mana gik machalre gi gigi, ma nomiyo Nyasachwa okelo masiragi duto kuomwa kendo kuom dala maduongʼ? Omiyo koro umedo kelo kwongʼ kuom jo-Israel kuom njawo chiengʼ Sabato.”

Nehemia 9:32

“Emomiyo koro sani, yaye Nyasachwa, in e Nyasaye maduongʼ, Nyasaye nyakalaga kendo Nyasaye Maratego bende in e Nyasaye marito singruokne mar hera. Kik ikaw chandruok mwanenogi mayot; chandruokgi osebiro kuomwa, kuom ruodhi magwa kod jotendwa, kuom jodolo magwa kod jonabi, kuom kwerewa kod jogi duto, kochakore ndalo loch mag ruodhi jo-Asuria nyaka kawuono.

Ayub 11:6

mondo omi onyisi yore mopondo mag rieko, nimar rieko madier nigi rachne gi berne. To ngʼe ni Nyasaye wiye osewil kata mana gi richogi moko.

Zaburi 103:10

ok otimnwa mowinjore gi richowa bende ok ochulwa kaluwore gi kethowa.

Ywagruok 3:22

Nikech hera maduongʼ mar Jehova Nyasaye osiko mochwere, kendo ngʼwonone ok rum omiyo ok otiekwa.

Habakuk 3:2

Jehova Nyasaye, asewinjo humbi; achungʼ e nyimi ka an-gi luoro kuom gik misetimo, yaye Jehova Nyasaye. Mad itimgi kendo e kindewa, mi gingʼere e ndalowani; ka in gi mirima to mad ipar ngʼwono.

Jo-Galatia 3:4

Usesandoru malich kamano mana kayiem adier, ooyo ok apar ni kamano?