Ezra 9:12 - Motingʼo Loko Manyien

¹² Emomiyo, kik uchiw nyiu mondo kend gi yawuotgi, kata kawo nyigi ne yawuotu. Kik ubed gi singruok mar osiep kodgi sa moro amora, mondo omi ubed motegno kendo ucham gik mabeyo mag pinyni kendo uweye ne nyithindu kaka girkeni manyaka chiengʼ.’

MUMA MALER 2015

¹² Emomiyo kik uyie mondo yawuotgi okend nyiu, kata yawuotu okend nyigi. Bende kik utim gimoro ma dikelnigi kue, kata ma dikelnigi mwandu nyaka chieng’. Kamano unubed motegno, mi unucham gik mabeyo mag pinyno, kendo unuwe pinyno ni nyithindu ka mwandugi nyaka chieng’.’

Ezra 9:12 ပူးပေါင်းရင်းမြစ်များ

1 Weche mag Ndalo 28:8

“Omiyo achikou e nyim Israel duto kendo e nyim chokruok mar Jehova Nyasaye kendo ka Nyasachwa wacho kama: Beduru motangʼ mondo ulu chike duto mag Jehova Nyasaye ma Nyasachu mondo omi piny maberni osik maru kendo uchiwe kaka girkeni ne nyikwau nyaka chiengʼ.

2 Weche mag Ndalo 19:2

Jehu janen ma wuod Hanani nodhi mondo orom kode kendo nonyiso ruoth niya, “Bende dikony joricho kendo iher jogo mochayo Jehova Nyasaye? Mirimb Jehova Nyasaye ni kuomi nikech isetimo ma.

Ezra 9:2

Gisekawo nyi joma ok jo-Yahudi, makoro odak e pinygi, kendo yawuotgi bende gisekendonegi nyi jogo. Kamano, oganda maler mar Nyasaye osedwanyore gi joma ok jo-Yahudi. To jotelo gi jodongo ema osebedo joketho moloyoe jomoko.”

Wuok 23:32

Kik utim winjruok kodgi kata kod nyisechegi.

Ngeche 13:22

Ngʼat maber weyo mwandu ne nyithind nyithinde, to mwandu jaricho okan ni joma kare.

Ngeche 20:7

Ngʼat makare nigi ngima ma ok ocha; nyithinde nigi gweth bangʼe.

Isaya 1:19

Ka uyie kuoma muboloru kendo umako chikena duto, to unucham gik mabeyo mag piny;

Rapar mar Chik 23:6

Kik udwar winjruok e kindu kodgi e ndalo duto mag ngimau.

Rapar mar Chik 23:7

Kik ubed gi achaya e kindu gi jo-Edom nimar gin oweteu. Kik ukwed jo-Misri nikech ne udak e pinygi ka wasumbini.

Rapar mar Chik 7:3

Kik ukendru kodgi. Kik uchiw nyiu ni yawuotgi kata kik yawuotu okend nyigi,