Ezra 8:16 - Motingʼo Loko Manyien

¹⁶ Omiyo ne aluongo Eliezer, Ariel, Shemaya, Elnathan, Jarib, Elnathan, Nathan, Zekaria kod Meshulam, mane gin jotelo, kod Joyiarib gi Elnathan, mane gin joma osomo,

MUMA MALER 2015

¹⁶ Omiyo naoro jomoko ir Iddo jatend joma odak Kasifia. Joma naorogo ne gin Eliezer gi Ariel gi Shemaya gi Elnathan gi Jarib, gi Nathan gi Zekaria kod Meshulam, duto joma dongo, kaachiel gi Joyarib kod Elnathan, mane joma ong’eyo ng’ado rieko.

Ezra 8:16 ပူးပေါင်းရင်းမြစ်များ

1 Ruodhi 3:11

Omiyo Nyasaye nowachone niya, “Nikech isekwayo mana ma to ok ikwayo ngima mathoth kata mwandu ni in iwuon, bende ok isekwayo tho mar wasiki to isekwayo mana rieko kuom ngʼado bura kare,

1 Weche mag Ndalo 12:32

joka Isakar mane obedo gi rieko kuom gima timore kendo nongʼeyo gima jo-Israel onego otim ne nigi jotelo mia ariyo (200) koriw gi anywolagi mane gitelonegi;

1 Weche mag Ndalo 26:14

Ombulu mar Rangach ma yo Wuok Chiengʼ nolwar ne Shelemia. Nogo ombulu ne wuode Zekaria, ma jangʼad bura mariek kendo noyudo Rangach ma yo Nyandwat.

2 Weche mag Ndalo 2:12

Kendo Hiram nomedo wacho niya, “Pak odogne Jehova Nyasaye ma Nyasach jo-Israel mane ochweyo polo gi piny! Osemiyo Ruoth Daudi wuowi mariek, mongʼeyo fwono tiend weche kendo fwenyo gik moko, en ema noger hekalu ne Jehova Nyasaye to gi od ruoth modakie owuon.

Ezra 10:21

Koa e nyikwa Harim: Maseya, Elija, Shemaya, Jehiel gi Uzia.

Ezra 10:39

Shelemia, Nathan, Adaya,

Ezra 8:13

nyikwa Adonikam, mago mogik, nyingegi ne Elifelet, Jeuel kod Shemaya, kaachiel kodgi ji piero auchiel;

Ezra 8:15

Ne achokogi e bath aora mamol kochiko Ahava, kendo ne wabuoro kanyo kuom ndalo adek. Kane arango e dier ji kod jodolo, ne ok ayudo jo-Lawi kanyo.

Ezra 8:17

kendo ne aorogi ir Ido, jatelo Kasifia. Ne anyisogi gima giwachne Ido kod joge, jotij hekalu man Kasifia, mondo omi gikelnwa ji ne od Nyasachwa.

Ezra 8:18

Nikech lwet Nyasachwa mar ngʼwono ne ni kuomwa, ne gikelonwa Sherebia, ngʼatno man-gi nyalo, koa e nyikwa Mali wuod Lawi, wuod Israel, kod yawuot Sherebia gi owetene, ji apar gaboro;

Ngeche 2:6

Jehova Nyasaye chiwo rieko kendo ngʼeyo gi winjo aa e dhoge.

Ngeche 20:5

Dwaro mar chuny dhano chalo gi pi matut, to ngʼat man-gi winjo twomogi.

Ngeche 28:2

Ka piny toke tek, to en gi jotelo mangʼeny, to ngʼat mawinjo wach kendo man-gi ngʼeyo rito chik.

Daniel 2:21

En ema ochano ndalo mag chwiri kod opon; bende en ema oketo ruodhi e loch kendo ogologi. Ochiwo rieko ne joma riek kod ngʼeyo ne joma nigi winjo.

2 Timotheo 2:7

Par matut kuom gima awacho. Ruoth biro miyi rieko mar winjo tiend weche duto.

1 Johana 5:20

Wangʼeyo bende ni Wuod Nyasaye osebiro kendo osemiyowa rieko mar winjo tiend wach, mondo wangʼe ngʼat ma ja-adiera, ngʼat makoro wanie iye, en wuode Yesu Kristo. En e Nyasaye madier kendo en e ngima mochwere.