Esta 3:6 - Motingʼo Loko Manyien

⁶ To kaka ne osengʼeyo oganda ma Modekai ae, ne ochayo wach nego mana Modekai kende. Kar timo mano, Haman nodwaro yo monyalo tiekogo oganda gi Modekai duto, ma gin jo-Yahudi, e pinyruodh Ahasuerus duto.

Esta 3:6 ပူးပေါင်းရင်းမြစ်များ

Ezra 4:6

E chakruok mar loch Sakses, ne gidonjone jo-Juda kod jo-Jerusalem.

Esta 9:25

To ka wach marachno nochopo ne ruoth, noketo mondo ondik chike moko mamiyo chenro maricho mane Haman ochano ne jo-Yahudi odog ne en owuon, kendo ni oliergi e yath, en kaachiel gi yawuote.

Zaburi 83:4

Giwacho niya, “Biuru watiekgi mi girum pep kaka oganda, mondo nying mar Israel kik chak par kendo.”

Zaburi 83:5

Giloso chenro ka giriwo pachgi bedo achiel, gilosoni riwruok mondo giked kodi.

Jeremia 33:24

“Bende isefwenyo ni jogi wachoni ni, ‘Jehova Nyasaye osekwedo dhoudi ariyo mane oyiero’? Omiyo gijaro joga kendo ok gikawo joga ka oganda achiel.

Fweny 12:12

Emomiyo beduru mamor un polo, kod joma odak e iye! To mano kaka nobed malit ne piny gi nam, nikech Jachien oselor obiro iru! En gi mirima mager nikech ongʼeyo ni ndalo matin kende ema odongʼne.”