Esta 2:21 - Motingʼo Loko Manyien

²¹ Kane Modekai obet e dhoranga ruoth kaka nojabet, Bigthana gi Teresh, ariyo kuom jotend ruoth mane rito rangach, nokecho kendo negichano mondo gineg ruoth Ahasuerus.

Esta 2:21 ပူးပေါင်းရင်းမြစ်များ

2 Samuel 16:11

Daudi nowachone Abishai gi jodonge duto niya, “Ka wuoda, manywolo ema dwaro tieko ngimana, to kare ja-Benjamin-ni ditimna marach maromo nade! Wereuru kode odhi nyime gi kwongʼ nimar Jehova Nyasaye osenyise mondo otim kamano.

1 Ruodhi 16:9

Achiel kuom jotende miluongo ni Zimri mane otelo ni nus gechene nochano mar nege. Ela ne nitie Tirza e kindeno, komer e dala Arza, ngʼat motelo ni od ruoth man Tirza.

2 Ruodhi 12:20

Jodonge nowinjore mondo ondhoge mi onege e Beth Milo, e yo madhi mwalo Sila.

2 Ruodhi 21:23

Jodongo mag Amon nowinjore monego ruoth e kar dakne.

Ezra 4:6

E chakruok mar loch Sakses, ne gidonjone jo-Juda kod jo-Jerusalem.

Esta 2:19

Kane ochak ochan nyiri mabeyogi kendo Modekai noyudo obet e dhoranga ruoth.

Esta 6:1

Otienono nindo notamore tero ruoth; mi nochiko mondo okelne Kitabu mondikie weche mag ndalo, kendo mondikie gik mosetimore e kinde mag lochne, mondo okel kendo osomne.

Esta 6:2

Kitabuno noyud kondikie ni Modekai ema nofwenyo kaka Bigthana gi Teresh, jotelo mane rito dhoranga ruoth, nosechano mondo oneg ruoth Ahasuerus.

Zaburi 144:10

abiro werne Jal mamiyo ruodhi locho, kendo makonyo Daudi jatichne e dho ligangla mager.

Daniel 2:49

To bende, kaka Daniel nokwaye, ruoth noyiero Shadrak, Meshak gi Abednego kaka jotend gwenge mag Babulon, to Daniel owuon to nodongʼ mana katiyo e dala ruoth.