Eklesiastes 9:6 - Motingʼo Loko Manyien

⁶ Hera margi, achaya margi kod nyiego margi noselal chon; ok ginichak gibed gi thuolo e gimoro amora matimore e piny.

MUMA MALER 2015

⁶ Hera kod sigu kaachiel gi gombo mane gin go nosetho kodgi. Ok ginichak gine gimoro amora matimore e piny ka.

Eklesiastes 9:6 ပူးပေါင်းရင်းမြစ်များ

Wuok 1:8

Bangʼe ruoth manyien mane ok ongʼeyo wach Josef nobedo e loch e piny Misri.

Ngeche 10:28

Geno mar joma kare en mor, to geno mar joricho nolal nono.

Eklesiastes 2:10

Ne ok atuono wangʼa gimoro amora mane onyalo gombo, kendo chunya bende ne ok atuono mor. Chunya nobedo gi mor kuom tijena duto mane atimo, kendo mano ema nobedo pok mar tijena duto.

Eklesiastes 3:22

Omiyo ne aneno ni onge gima ber ni dhano moloyo tichne, nikech mano e pokne. Kare en ngʼa manyalo keche mondo one gima biro timorene bangʼe kosetho?

Eklesiastes 6:12

Ere ngʼama nyalo ngʼeyo gima ber ma dhano onego tim e ngima machiekni kendo manono makadho mana ka tipo? Koso ere ngʼama nyalo nyise gima biro timorene e piny bangʼ thone?

Eklesiastes 9:1

Omiyo ne arango gigi duto kendo atieko ni ngʼama kare kod ngʼat man-gi rieko to gi gima gitimo ni e lwet Nyasaye, to onge ngʼama ongʼeyo ni hera kata achaya rite.

Isaya 38:11

Ne awacho niya, “Ok anachak ane Jehova Nyasaye owuon, e piny joma ngima; bende ok anachak aket genona kuom dhano wadwa, kata bedo gi joma koro odak e pinyni.

Mathayo 2:20

kendo nowachone niya, “Aa malo ikaw nyathi kod min mare mondo idhi e piny Israel, nikech joma netemo kawo ngima nyathi osetho.”