Eklesiastes 9:1 - Motingʼo Loko Manyien

¹ Omiyo ne arango gigi duto kendo atieko ni ngʼama kare kod ngʼat man-gi rieko to gi gima gitimo ni e lwet Nyasaye, to onge ngʼama ongʼeyo ni hera kata achaya rite.

MUMA MALER 2015

¹ Ne aketo chunya kuom kinde mang’eny, ka aparo, mi afwenyo ni joma riek kod joma kare, ni e lwet Nyasaye, kaachiel gi timbegi koda ka hera gi sigu ma gin go. Onge ng’ama ong’eyo kata mana gimoro achiel ma biro timorene.

Eklesiastes 9:1 ပူးပေါင်းရင်းမြစ်များ

Ayub 12:10

Ngima gimoro amora mochwe ni e lwete kaachiel gi much dhano duto.

Ayub 27:12

Un duto ngʼato ka ngʼato useneno ma gi wangʼu koro weche manonogi to uwacho nangʼo?

Ayub 5:8

“Dine bed ni an in, to dine atero ywakna ne Nyasaye; kendo keto weche mathaga e nyime.

Zaburi 10:14

To in, yaye Nyasaye, ineno chandruok gi kuyo, ikawogi kaka mari kendo itingʼogi e lweti. Ngʼat ma ok nyal; chiwore ne in; in e jakony mar joma onge wuonegi.

Zaburi 119:109

Kata obedo ni atingʼo ngimana e lweta kinde duto, to wiya ok bi wil gi chikeni.

Zaburi 31:5

Aketo chunya e lweti; resa, yaye Jehova Nyasaye, ma Nyasaye mar adiera.

Zaburi 73:3

Nimar ne agombo timbe joma ochayo ji kane aneno kaka joma timbegi richo dhi maber.

Ngeche 16:3

Ket gimoro amora mitimo e lwet Jehova Nyasaye, to chenrogi biro dhi maber.

Eklesiastes 1:17

Eka ne achiwora ne winjo tiend rieko, ngʼeyo pogruok manie kind rieko, memruok kod fuwo, to ne afwenyo ni magi gin mana lawo bangʼ yamo mafuto.

Eklesiastes 10:14

kendo wechege ngʼeny maonge tiende. Onge ngʼama ongʼeyo gima biro timorene kiny, koro en ngʼa manyalo nyise gima biro timorene bangʼ thone?

Eklesiastes 7:15

E ngima madakie maonge tiendeni asefwenyo ni ngʼat ma ja-ratiro rumo nikech ratiro mare kendo ngʼat ma jaricho dak ndalo mangʼeny kotimo richo.

Eklesiastes 7:25

Omiyo ne aloko pacha mondo anon kendo awinj tiend rieko, kaachiel gi chenro mar gik moko, bangʼe to ne ayudo ni ngʼat mofuwo en jaricho kendo janeko.

Eklesiastes 8:14

Nitiere gimoro machielo maonge tiende matimore e piny: joma kare mayudo gigo ma joma mono ema onego yudi, kod joma timbegi mono mayudo gigo monego joma kare ema yudi. Ma bende, awacho, ni onge tiende.

Eklesiastes 8:16

Kane aketo pacha mondo angʼe rieko kendo mondo anon tich matek mar dhano e piny-ka ka nindo ok tere odiechiengʼ gotieno,

Eklesiastes 8:7

Nimar dhano ok ongʼeyo gima biro, en ngʼa manyalo nyise gima biro?

Eklesiastes 9:6

Hera margi, achaya margi kod nyiego margi noselal chon; ok ginichak gibed gi thuolo e gimoro amora matimore e piny.

Isaya 26:12

Jehova Nyasaye, isemiyowa kwe; kendo gik moko duto ma wasetimo in ema isetimonwa.

Jeremia 43:6

Bende negitelone chwo duto, mon kod nyithindo gi nyi ruoth mane Nebuzaradan ma jatend lweny noseweyo gi Gedalia wuod Ahikam, ma wuod Shafan, kod Jeremia janabi kod Baruk wuod Neria.

Rapar mar Chik 33:3

En adier ni in ema ihero ji, jomaler duto ginie lweti. Giduto gikulore e nyimi kendo kuomi ema gikawe chike,

2 Timotheo 1:12

Mano emomiyo asandora kama. To wiya ok kuodi, nikech angʼeyo Jal ma aseyie kuome, kendo angʼeyo chutho ni onyalo rito ngimana gi chunya ma asechiwone nyaka ndalo nogono.

1 Petro 1:5

Kuom yie Nyasaye oserito jogo gi tekone nyaka chop warruok moseiki mondo ofweny chiengʼ giko.

1 Samuel 2:9

Obiro chiko tiende joge maler to joricho to nolal ei mudho. “Ngʼato ok lochi mana nikech teko;