Eklesiastes 8:3 - Motingʼo Loko Manyien

³ Kik irikni ka ia e nyim ruoth. Kik ichwak ngʼama timo richo, nimar obiro timo gimora amora mohero.

MUMA MALER 2015

³ Ruodh piny nyalo timo gimoro amora mohero, omiyo kik ibed kama entie, nikech masira dipo ka oyudi kanyo,

Eklesiastes 8:3 ပူးပေါင်းရင်းမြစ်များ

Chakruok 47:9

Kendo Jakobo nodwoko Farao niya, “Higni ma asewuothogo e piny gin higni mia achiel kod piero adek. Gisebedo manok kendo matek kendo ok ginyal romo gi higni mane wuora odak godo e piny.”

Ngeche 14:29

Ngʼat ma terore mos nigi winjo, to ngʼatno ma iye wangʼ piyo nyiso fupe.

Ngeche 24:21

Wuoda, luor Jehova Nyasaye kod ruoth morito piny, kendo kik iriwri gi joma kwede,

Ngeche 30:31

thuon gweno magar ka dwaro gwere gi wadgi, nywok, kod ruoth gi oganda mar lweny moluoro bute.

Eklesiastes 10:4

Ka ruoth okecho kodi, to kik iwe tiji mitiyono; nimar kibolori to ruoth nyalo ngʼwononi kuom kethogi mangʼeny.

Isaya 48:4

Nimar nangʼeyo wich tekou; ka leche mag ngʼutu ochungʼ, kendo pat wengeu tek ka nyinyo.

Daniel 4:35

Ogendini duto manie piny ikwano ka nono. Otimo gima ohero ni ogendini mag polo kod ji manie piny. Onge ngʼama nyalo gengʼo tich lwete kata wacho niya, “Angʼo mitimoni?”

Daniel 5:19

Nikech loch kod teko mamalo mane omiye, ogendini duto, gi pinje duto, gi ji mawacho dhok mopogore opogore ne tetni e nyime kendo noluore. Joma ruoth ne dwaro ni onegi, ne onego; to joma ne odwaro ngʼwonone, nongʼwononegi; joma ne odwaro medo teko e loch, nomedo teko; kendo joma nodwaro lonyo e telo, nolonyo alonya.