Eklesiastes 7:4 - Motingʼo Loko Manyien

⁴ Ngʼat mariek wiye ok wil gi tho, to ngʼat mofuwo paro mana mor pile.

MUMA MALER 2015

⁴ Ng’at maparo mana mor pile en ng’at mofuwo. Ng’at mariek to wiye ok wil gi tho.

Eklesiastes 7:4 ပူးပေါင်းရင်းမြစ်များ

2 Samuel 13:28

Abisalom nosechiko jotijene niya, “Winjuru! Ka Amnon osemetho momer, to anawachnu ni, Goyeuru ma unege. Kik ubed maluor. Donge an ema asechikou? Beduru motegno kendo ma jochir.”

1 Ruodhi 20:16

Negichako wuoth odiechiengʼ tir ka Ben-Hadad kod ruodhi piero adek gariyo moriwore kode ne nitie e hema metho.

Eklesiastes 2:1

Ne aparo e chunya niya, “Bi sani, abiro temi gi gik ma moro wangʼ mondo afwenyie gima ber.” To mano bende ne ayudo kaonge tiende.

Eklesiastes 7:3

Kuyo ber moloyo nyiero, nikech wangʼ man-gi lit berne chuny.

Eklesiastes 7:5

Ber mondo ichik iti ne siem ngʼat man-gi rieko, moloyo chiko iti ne wend joma ofuwo.

Isaya 21:4

Chunya bwok, denda tetni nikech luoro; gombo ma an-go mondo piny imre oselokorena masira.

Jeremia 51:39

To ka ochiewgi, analosnigi nyasi mi gimer, mondo gikog gi mor; eka ginindi nyaka chiengʼ ma ok ginichiew,” Jehova Nyasaye wacho.

Jeremia 51:57

Ruoth, ma nyinge en Jehova Nyasaye Maratego wacho niya, “Anami jodonge kod jogo mariek mer, jotendgi, jodong-gi kod jolweny bende; gininindi nyaka chiengʼ kendo ok ginichiew.”

Daniel 5:30

Gotienono Belshazar ruodh jo-Babulon nonegi,

Hosea 7:5

E odiechiengʼ mar nyasi ruodhwa yawuot ruoth madho divai mamer, mi riw lwetgi gi jo-ajara.

Nahum 1:10

Gibiro moko e kind kuthe kendo gibiro mer gi divai mag-gi, bende ibiro wangʼ-gi ka lum motwo.

1 Samuel 25:36

Ka Abigael nodhi ir Nabal ne en e ot kotimo Sawo maduongʼ ka mar ruoth. Ne omor ahinya bende ne omer. To ok nowachone gimoro nyaka piny noru.

1 Samuel 30:16

Notelo ni Daudi ka gilor mwalo, kendo ne giyudogi ka gike e pap, ka gichiemo kendo metho ka gin gimor maduongʼ nikech gik mane gipeyo e piny jo-Filistia gi piny Juda ne thoth ahinya.