Eklesiastes 3:4 - Motingʼo Loko Manyien

⁴ kinde mar kuyo kod kinde mar mor, kinde mar ywak kod kinde mar miel,

MUMA MALER 2015

⁴ kinde mar kuyo, gi kinde mar mor, kinde mar ywak, gi kinde mar miel,

Eklesiastes 3:4 ပူးပေါင်းရင်းမြစ်များ

Chakruok 21:6

Sara nowacho niya, “Nyasaye osekelona mor kendo ji duto mowinjo ma biro bedo mamor koda.”

2 Samuel 6:16

E kinde mane Sandug Muma mar Jehova Nyasaye donjo e Dala Maduongʼ mar Daudi, Mikal nyar Saulo nongʼicho gie dirisa. Kendo kane oneno Ruoth Daudi kachikore kendo miel aduwa e nyim Jehova Nyasaye, nochaye gi chunye.

Zaburi 30:11

Ne iloko ywakna modoko miel; ne igolo lawa mar kuyo mi irwakona law mor,

Zaburi 30:5

Nikech mirimbe bedo mana kuom kinde matin kende, to ngʼwonone osiko nyaka chiengʼ; ywak nyalo bedo gotieno to mor biro mana gokinyi.

Wuok 15:20

Eka Miriam janabi madhako ma nyamin Harun, nokawo oyieke e lwete kendo mon duto noluwo bangʼe ka gin gi oyieke kendo ka gimiel.

Eklesiastes 3:5

kinde mar keyo kite kod kinde mar chokogi, kinde mar kwakruok kod kinde mar weyo kwakruok,

Eklesiastes 7:14

Ka gik moko dhini maber, to bed mamor, to ka chandruok omaki; to ngʼe ni Nyasaye ema oyie mondo gik moko ariyogo otimre. Emomiyo, dhano ok nyal fwenyo gimoro amora mabiro timorene e ndalo mabiro.

Isaya 40:1

Houru chuny joga, hogiuru, Nyasachu wacho kamano.

Isaya 40:2

Wuouru gi muolo ne Jerusalem, kendo uwachne, ni ndalone mag chandruok oserumo, bende ni richone osewene, kendo oseyudo kum nyadiriyo koa e lwet Jehova Nyasaye nikech richone duto.

Mathayo 11:17

“Ne wagoyonu asili, to ne ok umiel; bende ne wadengo ka wawero wend tho, to ne ok uywak.

Mathayo 9:15

To Yesu nodwokogi niya, “Ere kaka welo mag wuon kisera nyalo kuyo adier kapod en kodgi? Kata kamano ndalo nobi ma wuon kisera nogol e kindgi; eka ginitwe chiemo e kindeno.

Luka 1:58

Jogwengʼ kod wedene nowinjo ni Ruoth Nyasaye osetimone kech maduongʼ mi gibedo kode e morne.

Jo-Rumi 12:15

Moruru gi joma mor, kendo ywaguru gi joma ywak.

2 Jo-Korintho 7:10

Kuyo ma ngʼato bedogo e yo ma Nyasaye dwaro kelone lokruok mar weyo richo kod warruok maonge ywago angʼe, to kuyo mar piny kelone mana tho.

Jakobo 4:9

Owinjore ubed gikuyo kendo uywagi, ka ugoyo nduru. Nyiero munyierogo onego olokre ywak, kendo mor mumorgo onego olokre kuyo.