Eklesiastes 2:11 - Motingʼo Loko Manyien

¹¹ To kata kamano kane anono duto mane lweta osetiyo kod gino mane asenyagora mondo ayudi, gik moko duto ne onge tiendgi, mana kalawo bangʼ yamo; onge ohala mane ayudo e bwo wangʼ chiengʼ.

MUMA MALER 2015

¹¹ To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 2:11 ပူးပေါင်းရင်းမြစ်များ

Chakruok 1:31

Nyasaye nongʼiyo gik moko duto mane osechweyo kendo noneno ni gibeyo ahinya. Piny noyuso kendo noru, ma en chiengʼ mar auchiel.

Zaburi 89:47

Parie kaka ngimana rumo piyo. Neye kaka ne ichweyo dhano duto kayiem!

Wuok 39:43

Musa ne onono tijno mi oneno ni negisetimo mana kaka Jehova Nyasaye nochiko. Omiyo Musa nogwedhogi.

Eklesiastes 1:14

Aseneno gik moko mitimo e bwo wangʼ chiengʼ, giduto gionge tiendgi, kendo gichalo mana yamo.

Eklesiastes 1:17

Eka ne achiwora ne winjo tiend rieko, ngʼeyo pogruok manie kind rieko, memruok kod fuwo, to ne afwenyo ni magi gin mana lawo bangʼ yamo mafuto.

Eklesiastes 1:3

En ohala mane ma dhano yudo kuom tije duto motiyo kendo mochandore godo e bwo wangʼ chiengʼ?

Eklesiastes 3:9

En ohala mane ma jatich yudo kuom tich matek?

Eklesiastes 5:10

Ngʼat mohero pesa ok bed gi pesa morome; kendo ngʼat mohero mwandu, mwandu moyudo ok rome. Ma bende onge tiende.

Eklesiastes 5:16

Gima lit ahinya machielo en: Kaka dhano nobiro e pinyni, e kaka obiro wuok e pinyni, koro ere ohala moyudo, kuom tichne matek konyagore mana ne yamo?

Habakuk 2:13

Donge Jehova Nyasaye Maratego osechiko ni tije ogendini maricho biro bedo ramok mach, ogendini tiyo ma ol kayiem nono?

1 Timotheo 6:6

To geno Nyasaye gi chuny modhil en ohala maduongʼ.