Eklesiastes 12:3 - Motingʼo Loko Manyien

³ Jorito makonyou koro tetni, jou maroteke koro gumbo, rego biro chungʼ nikech jorego nok, kendo wengeu biro lokore boo ma ok unyal neno maber.

MUMA MALER 2015

³ Bedeu ma osebedo ka konyou notetni, kendo tiendeu ma koro otegnogi, nobed modolore. Unubed rowuoge ma ok nyal chamo chiemo, kendo wengeu nobed modimbore ma ok nyal neno maber.

Eklesiastes 12:3 ပူးပေါင်းရင်းမြစ်များ

Chakruok 27:1

Kane Isaka oseti kendo wengene noseimore makoro ok nyal neno, noluongo Esau wuode makayo kendo owachone niya, “Wuoda.” Eka Esau nodwoke niya, “An ka.”

Chakruok 48:10

Koro wenge Israel ne ok nyal neno maber nikech hike noniangʼ. Kuom mano Josef nosudo nyithindo machiegni kendo Israel nokwakogi monyodhogi.

Zaburi 102:23

Ka noyudo ngimana dhi maber to nomiyo tekona odok chien kendo nongʼado ngimana odoko machiek.

Zaburi 35:14

ne awuotho koni gi koni ka chunya lit, mana ka gima aywago osiepna kata owadwa. Ne akulo wiya ka an gi kuyo maduongʼ mana ka gima aywago minwa.

Zaburi 38:6

Adolora kendo akulora piny chuth odiechiengʼ duto, awuotho koni gi koni, ka akuyo.

Zekaria 8:4

Ma e gima Jehova Nyasaye Maratego wacho: “Chwo gi mon mahikgi ngʼeny biro bet e yore mag Jerusalem kendo, ka moro ka moro kuomgi sirore gi luth nikech hike ngʼeny.

1 Samuel 3:2

Eli makoro wengene ne osechako imore kendo ne ok onyal neno maber, noyudo nindo e kare mapile.