Eklesiastes 10:8 - Motingʼo Loko Manyien

⁸ Ngʼama kunyo bur matut nyalo lwar e iye; to ngʼama muko kor ot thuol nyalo kayo.

MUMA MALER 2015

⁸ Ka ikunyo bur, to in ema inyumorie, kata ka ipowo kor ot, to in ema thuol kayi.

Eklesiastes 10:8 ပူးပေါင်းရင်းမြစ်များ

2 Samuel 17:23

Kane Ahithofel oneno ni rieko mane ongʼado ok oluw, noidho pundane modok dalagi e ode. Noloso weche mag ode; bangʼe ne odere. Omiyo notho moike e bur wuon mare.

2 Samuel 18:15

Kendo ji apar matingʼo gige lweny mag Joab nolworo Abisalom, negigoye, ma ginege.

Esta 7:10

Omiyo neginego Haman e gima noseiko mondo oneg-go Modekai. Eka mirimb ruoth norumo.

Zaburi 57:6

Ne giyaro jogo mondo omak tiendena, kane chuny lit odola. Ne gikunyo bugo e yora, to kata kamano gin giwegi ema giselutore e iye. Sela

Ngeche 11:6

Tim makare mar joma kare resogi, to jogo ma ok jo-adiera imako gi gombogi maricho.

Ngeche 26:27

Ka ngʼato okunyo bur, obiro lutore e iye; to ka ngʼato ngʼielo kidi, to kidino biro ngʼielore kaduogo ire.

Eklesiastes 10:9

Ngʼama kunyo kite inyalo hiny gi kitego; to ngʼama baro yien inyalo hiny gi yien.

Amos 5:19

Chiengʼno nochal mana gi ngʼat ma sibuor lawo, to oromo gi ondiek, kata nochal gi ngʼat modonjo e ot, moyiengo lwete e kor ot, mi thuol okaye!

Amos 9:3

Kata dabed ni gipondo ewi got Karmel, to kata mana kuno anadwargi mi amakgi. To kata dabed ni gipondona e bwo nam piny, to kata mana kuno anachik thuol mikagi.

Jong’ad Bura 9:5

Nodhi e dala wuon mare man Ofra kendo nonego owetene piero abiriyo, ma gin yawuot Jerub-Baal ewi lwanda achiel. To Jotham, ma wuod Jerub-Baal ma chogo, nopondo motony.