Daniel 8:12 - Motingʼo Loko Manyien

¹² Nikech ngʼanyone, oganda mar joler kod misengni mitimo pile ka pile noket e lwete. Gimoro amora mane otimo ne odhi maber, kendo adiera nojwangʼ.

MUMA MALER 2015

¹² Kar timo misengni mitimo pile, to richo malich ema ne itimo, mi dini mar adier nowit kucho. Tung’no notimo gimoro amora modwaro.

Daniel 8:12 ပူးပေါင်းရင်းမြစ်များ

Ayub 12:6

Hembe mag jomecho onge ngʼama monjo, kendo joma jaro Nyasaye winjo maber, mana ka joma otingʼo nyasachgi e lwetgi.

Zaburi 119:142

Timni makare osiko kendo chikni en adier,

Zaburi 119:43

Kik igol wach mar adiera e dhoga chuth, nimar aseketo genona e chikeni.

Zaburi 28:5

Nikech ok gidew tije mag Jehova Nyasaye kod gik ma lwetene osetimo, obiro mukogi mi ogogi piny kendo ok nochak ogergi mi gichungʼ kendo.

Isaya 59:14

Omiyo ngʼado bura makare ogol oko kendo tim makare ni mabor kodwa, adiera onge e yore matindo kendo tim makare ni kuma bor.

Jeremia 12:1

In kare kinde duto, yaye Jehova Nyasaye, sa moro amora makelo bucha e nyimi. To kata kamano we mondo awuoye kodi kuom ngʼado bura mari makare: Ere gima omiyo yore mag joma timbegi mono dhi maber? Angʼo momiyo jogo maonge yie odak maber?

Daniel 11:28

Ruodh Milambo nodog e pinye owuon ka en gi mwandu mathoth, to enoket chunye mar kedo gi singruok maler. Enotimne singruok maler gima en ema ohero eka nodog e pinygi.

Daniel 7:21

Kane pod amedo ngʼicho to tungʼni notugo lweny gi jomaler mi oloyogi,

Daniel 8:4

Naketo wangʼa ka aneno kaka imno ringo kochomo yo podho chiengʼ, gi yo nyandwat kod yo milambo. Onge le moro amora mane nyalo sire, kata mane nyalo resore kuom tekone. Notimo kaka en ema ohero, kendo nodoko rahuma.

Fweny 13:7

Bende nomiye teko mondo oked gi jomaler mag Nyasaye kendo ologi, kendo nomiye loch kuom dhoudi duto, gi ogendini kod dhok duto miwacho gi pinje duto.

1 Samuel 23:9

Kane Daudi owinjo ni Saulo chano yor yude nowachone Abiathar jadolo niya, “Kel law akor mar law mayom mar dolo miluongo ni efod.”