Daniel 6:7 - Motingʼo Loko Manyien

⁷ Jotend jotich duto mag ruoth, kaachiel gi jochik jotich, gi jorit pinje, gi jongʼad rieko kod jotend jorit pinje osewinjore ni ruoth onego ogol chik, kendo one ni chikno otiyo, mondo ngʼato angʼata molamo nyasaye moro amora kata dhano moro amora kuom ndalo piero adek mabiro, ma ok in, yaye ruoth, to mondo obol e bur sibuoche.

MUMA MALER 2015

⁷ Wan duto ma wan jotend pinyi, wasewinjore ni onego igol chik mager ni, kuom ndalo piero adek ng’ato kik kwa gimoro kuom Nyasaye moro amora kata kuom dhano moro, to mak mana kuomi, in ruoth. To ng’ato ang’ata moketho chikno nyaka wit e bur sibuoche.

Daniel 6:7 ပူးပေါင်းရင်းမြစ်များ

Zaburi 10:9

Okiyo ji kokichore ka sibuor mopondo; okichore mar mako joma ok nyal mondo ohinygi, omako joma ok nyal kendo oywayogi oko gi tonde mar meko.

Zaburi 2:2

Ruodhi mag piny osebiro kanyakla kendo jotelo pimo wach kaachiel, mondo giked gi Jehova Nyasaye kendo giked gi ngʼate mowir.

Zaburi 59:3

Neye kaka gibutona ka girita e yo! Joma kwiny chano kaka digihinya, to an onge gima rach kata richo masetimo, yaye Jehova Nyasaye.

Zaburi 59:5

Yaye Jehova Nyasaye, ma Nyasaye Maratego, in Nyasach Israel, aa malo ikum ogendini duto; kik ikech andhoke ma timbegi richo. Sela

Zaburi 62:4

Giramo ni nyaka to gigole oko kama entie e duongʼne; miriambo ema morogi. Dhogi gigwedhogo ji, to gi ei chunygi to gikwongʼo ji. Sela

Zaburi 83:5

Giloso chenro ka giriwo pachgi bedo achiel, gilosoni riwruok mondo giked kodi.

Zaburi 94:20

Loch marach bende inyalo riworigo adier, loch mamiyo ji chandore malit nikech chikene maricho?

Daniel 2:4

Eka jokor wach nodwoko ruoth gi dho jo-Aram niya, “Mad idag amingʼa, yaye ruoth nyis jotichni lek ma iseleko eka wabiro nyisi tiende.”

Daniel 3:11

kendo ni ngʼato angʼata ma ok opodho piny auma mondo olam kidono to ibiro dir e mach makakni.

Daniel 3:2

Eka ruoth nogolo chik mondo ochokne jorit pinje gi jochik jotich, gi jotelo, gi jongʼad rieko, gi jokeno, gi jongʼad bura, gi joyal buche kod jotelo duto mag gwenge, mondo gibi e nyasi mar pwodho kido mane osechungono.

Daniel 3:27

kendo jorit pinje, jochik tich, jotelo, kod jongʼad rieko mag ruoth nosudo butgi machiegni molworogi. Negineno ka mach ne ok owangʼogi, onge yie wigi kata achiel mane mach oreyo, kandho mag-gi bende ne ok orewore, to bende ne ok gidungʼ kata mana iro.

Daniel 3:6

Ngʼato angʼata ma ok opodho piny auma mondo olam kidono to ibiro dir e mach makakni.”

Daniel 6:16

Omiyo ruoth nogolo chik, kendo negikelo Daniel mi gibole e bur sibuoche, kendo ruoth nowachone Daniel niya, “Mad Nyasachi, mitiyone ndalo duto, konyi!”

Daniel 6:22

Nyasacha nooro malaikane, momako dho sibuoche. Ok gisehinya, nikech noyud ka aonge ketho e nyime, to kata in, yaye ruoth, pok atimo gimoro amora marach e nyimi.

Mika 6:5

Un joga parieuru kaka Balak ruodh jo-Moab nongʼado rieko, kendo kaka Balaam wuod Beor nodwoko. Parieuru wuoth mane uago Shitim nyaka Gilgal, mondo mi ungʼe timbe makare mag Jehova Nyasaye.”

Nahum 2:12

Sibuor ne yangʼo le moromo nyithinde kendo ne gideyo le ma gichamo gi nyawadgi, ka opongʼo kar kano chiembe kod kuonde dakne gi gik monegi.

Mathayo 12:14

To jo-Farisai nowuok modhi kendo negichako chano kaka digineg Yesu.

Mathayo 26:4

kendo negichano mondo gimak Yesu e yo moro malingʼ-lingʼ mondo ginege.

Mariko 15:1

Gokinyi mangʼich, jodolo madongo gi jodong oganda gi jopuonj Chik, kaachiel gi jobuch Sanhedrin ne joriwo paro kuom gima nowinjore gitim. Negitweyo Yesu mi gitere e nyim Pilato.

Johana 12:10

Omiyo jodolo madongo noloso chenro kaka digineg Lazaro kaachiel kode,