Daniel 6:5 - Motingʼo Loko Manyien

⁵ Bangʼ temo yore duto, jogi nowacho niya, “Ok wabi yudo wach moro amora ma wanyalo ketogo ketho kuom Daniel, makmana ka en gima omulo chik Nyasache.”

MUMA MALER 2015

⁵ Kuom mano, ne giwacho e kindgi giwegi niya, “Ok wabi nwang’o gimoro ma dwadonjgo ni Daniel mak mana ka en gimoro modok korka wach Nyasache.”

Daniel 6:5 ပူးပေါင်းရင်းမြစ်များ

Esta 3:8

Eka Haman nowachone ruoth Ahasuerus niya, “Nitie oganda moro moke e kind ogendini manie pinyruodhi ma timbegi opogore gi mag ogendini duto ma ok oluoro kata mana chike mag ruoth; omiyo ok en wach maber ka ruoth oweyogi aweya.

Zaburi 37:32

Joma timbegi richo pondo karito joma kare ka gidwaro tieko ngimagi;

Jeremia 29:7

Bende, dwaruru kwe kod mwandu mar dala maduongʼ ma aseterou e twech. Lamuru Jehova Nyasaye, ndalono nikech kodhi maber to un bende unudhi maber.”

1 Samuel 24:17

Eka nowachone Daudi niya, “In ngʼama kare maloya. Isetimona maber, an to asetimoni marach.

1 Samuel 29:3

To jotend lweny mag jo-Filistia nopenjo niya, “Jo-Hibraniagi to timo angʼo ka?” Akish nodwoko niya, “Ma, donge en Daudi, mane jatelo mar Saulo ma ruodh Israel? Osedak koda mokadho higa, to chakre chiengʼ mane oweyo Saulo nyaka chil kawuono, pok aneno rach moro kuome.”