Daniel 6:28 - Motingʼo Loko Manyien

²⁸ Kuom mano Daniel nomedo dhi maber e ndalo loch mar Darius kendo e ndalo loch mar Sairas ja-Pasia.

MUMA MALER 2015

²⁸ Kamano Daniel ne odhi nyime maber e ndalo loch Darius, kendo e ndalo loch Kuros ja-Persia.

Daniel 6:28 ပူးပေါင်းရင်းမြစ်များ

2 Weche mag Ndalo 36:22

E higa mokwongo mar loch Sairas ruodh Pasia, mondo ochop singo mar wach Jehova Nyasaye mane Jeremia okoro, Jehova Nyasaye nowuoyo gi chuny Sairas ruodh Pasia mondo ogol lendo e pinye duto koketo e ndiko kama:

2 Weche mag Ndalo 36:23

Ma e gima Sairas ruodh Pasia wacho: “ ‘Jehova Nyasaye, ma Nyasach polo osemiya pinjeruodhi duto manie piny kendo oseyiera mondo agerne hekalu e Jerusalem manie piny Juda. Ngʼato angʼata kuom joge manie dieru, nyalo dhi kendo mad Jehova Nyasaye ma Nyasache bed kode.’ ”

Zaburi 77:15

Ne iwaro jogi gi badi maratego, jogi ma nyikwa Jakobo gi Josef. Sela

Isaya 44:28

kendo owuoyo kuom Sairas ni, ‘En jakwadha kendo enochop kare gigo duto madwaro; enowachne Jerusalem niya, “Mad gere kendo,” to ne hekalu ni, “Mad mise mare keti.” ’ ”

Jeremia 32:20

Ne itimo ranyisi kod honni e piny Misri kendo isiko kodgi nyaka kawuono, ei Israel kendo e dier ji duto, kendo pod in ngʼat marahuma nyaka chil kawuono.

Daniel 1:21

Kendo Daniel nodhi nyime katiyo kanyo nyaka higa mokwongo mar loch mar ruoth miluongo ni Sairas.

Daniel 10:1

E higa mar adek mar loch Sairas ruodh Pasia, nonyis Daniel (ma bende iluongo ni Belteshazar) tiend fwenyno mane oseneno. Wachno ne en adier, kendo ne en kuom lweny moro maduongʼ! Tiend wachno nobirone e fweny.

Daniel 3:29

Kuom mano, agolo chik ni ogendini duto gi ji moa e dhoudi mopogore opogore ma dipo ni owacho gimoro marach kuom Nyasach Shadrak, Meshak kod Abednego mondo negi kendo utegi mondo omuki mi lokre pidhe, nikech onge nyasaye moro machielo manyalo reso ji e yo machal kama.”

Daniel 5:28

“Parsin: Pinyruodhi osepogi kendo osemiye jo-Medes gi jo-Pasia.”