Daniel 6:14 - Motingʼo Loko Manyien

¹⁴ Kane ruoth owinjo wachno, chunye nochandore; moramo ni nyaka ores Daniel, kendo notimo duto mane onyalo odiechiengno duto chakre okinyi nyaka odhiambo mondo okonye.

MUMA MALER 2015

¹⁴ Kane ruoth owinjo kamano, chunye nochandore, mi otemo dwaro yo ma doresgo Daniel, kendo nobet koparo wachno nyaka chieng’ opodho.

Daniel 6:14 ပူးပေါင်းရင်းမြစ်များ

1 Weche mag Ndalo 12:35

joka Dan mane oikore ni kedo ne gin ji alufu piero ariyo gaboro gi mia auchiel (28,600);

Esta 3:8

Eka Haman nowachone ruoth Ahasuerus niya, “Nitie oganda moro moke e kind ogendini manie pinyruodhi ma timbegi opogore gi mag ogendini duto ma ok oluoro kata mana chike mag ruoth; omiyo ok en wach maber ka ruoth oweyogi aweya.

Daniel 1:6

Kuom joma noa e dhood Juda ne gin: Daniel, Hanania, Mishael gi Azaria.

Daniel 3:12

To nitie jo-Yahudi moko ma iseketo jorit e migepe mopogore opogore e piny Babulon ma gin Shadrak, Meshak kod Abednego, motamore timo gima iwacho, yaye ruoth. Gin ok giti ne nyisechegi, to bende ok gilam kido mar dhahabu misechungo.”

Daniel 3:13

Mirima mager nomako Nebukadneza mi nogolo chik mondo okel Shadrak, Meshak kod Abednego e nyime. Omiyo nokel jogi e nyim ruoth,

Mariko 6:26

Ruoth ne chunye ochandore ahinya ka nowinjo kwayono, to nikech noyudo osesingore e yor kwongʼruok, kendo nikech wende mane ni e nyasineno, ne ok odwar tuono nyakono gima nosekwayo.