Daniel 3:25 - Motingʼo Loko Manyien

²⁵ To nodwoko niya, “Neuru! Aneno ji angʼwen kawuotho koni gi koni e mach, ka gin thuolo kendo onge gima ohinyogi, kendo ngʼat mar angʼwen chalo gi wuod nyiseche.”

MUMA MALER 2015

²⁵ To nomedo penjogi niya, “Ka kamano, to ang’o momiyo aneno ji ang’wen kawuotho e mach, ka ok otue, to bende ok wang’? To ng’at mar ang’wen kuomgi chalo mana gi Nyasaye!”

Daniel 3:25 ပူးပေါင်းရင်းမြစ်များ

Ayub 1:6

Chiengʼ moro achiel malaike nobiro e nyim Jehova Nyasaye, kendo Satan bende nobiro kodgi.

Ayub 38:7

Chiengʼ mane sulwe mokinyi wer kanyakla kendo mane malaike duto kok gimor?

Ayub 5:19

Enoresi ka in e masiche mar auchiel; to adier, ok enoweyi ichopi e masiche mar abiriyo.

Zaburi 34:7

Malaika mar Jehova Nyasaye oumo alwora mar jogo momiye luor kendo oresogi.

Ngeche 30:4

En ngʼa mosedhi e polo kendo olor piny? En ngʼa mosechoko yamo moketo ei lwete? En ngʼa mosechoko pi gi lawe kata mosepimo giko mar tungʼ piny? Nyinge to en ngʼa, koso wuode to nyinge ngʼa? Nyisa ane ka ingʼeyo!

Isaya 43:2

Ka ikadho ei pige matut, to anabed kodi; kendo ka ungʼado aore to ok giniteru. Ka uwuotho e mach mager to ok nowangʼu, kata mana mach makakni ok nowangʼu.

Jeremia 1:19

Gibiro kedo kodi to ok gini loyi, nimar an kodi kendo abiro resi,” Jehova Nyasaye owacho.

Jeremia 1:8

Kik iluorgi, nimar an kodi kendo abiro resoi,” Jehova Nyasaye owacho.

Jeremia 15:21

“Anaresi e lwet joma timbegi mono kendo akonyi e lwet joma ger.”

Daniel 3:18

To kata ka dipo ni ok otimo kamano, to wadwaro ni mondo ingʼe, yaye ruoth, ni ok wabi tiyone nyisecheni kata lamo kido mar dhahabu misechungo.”

Daniel 3:24

Eka ruoth Nebukadneza nochungʼ malo ka dhoge omoko kendo nopenjo jongʼad rieko mage niya, “Donge ji adek ema ne watweyo mi wadiro e mach?” Negidwoke niya, “En kamano, yaye ruodh.”

Daniel 3:28

Eka Nebukadneza nowacho niya, “Opak Nyasach Shadrak, Meshak kod Abednego nikech en ema oseoro malaikane mi oreso jotichne! Negigeno kuome mi gidagi luwo chikna kendo ne giyie wito ngimagi kar tiyona kata lamo nyasaye moro machielo ma ok Nyasachgi giwegi.

Daniel 6:23

Ruoth ne mor ahinya mi nogolo chik mondo ogol Daniel ei bur sibuoche. Kane ogol Daniel oko e bur sibuoche, to ne ok noyudi kama lit moro amora e dende, nikech nogeno kuom Nyasache kinde duto.

Mariko 16:18

ginimak thuonde gi lwetgi, kendo ginimodhi kwiri mager, to ok ginihinyre ngangʼ, giniket lwetgi kuom joma tuo, to jotuo nobed mangima.”

Luka 1:35

Malaika nodwoko niya, “Roho Maler biro biro kuomi, kendo teko mar Nyasaye Man Malo Moloyo biro umi. Kuom mano jal maler monego nywol ibiro luongo ni Wuod Nyasaye.

Tich Joote 28:5

To Paulo notengʼo thuondno oko molwar e mach, kendo onge gima notime.

Jo-Rumi 1:4

To kuom Roho Maler nonyis ratiro ni en Wuod Nyasaye, nikech teko mane ochierego koa kuom joma otho, ma en Yesu Kristo Ruodhwa.

1 Petro 3:13

Ere ngʼama dihinyu ka uikoru mar timo gima ber?