Daniel 3:18 - Motingʼo Loko Manyien

¹⁸ To kata ka dipo ni ok otimo kamano, to wadwaro ni mondo ingʼe, yaye ruoth, ni ok wabi tiyone nyisecheni kata lamo kido mar dhahabu misechungo.”

MUMA MALER 2015

¹⁸ To kata ka ok oresowa, to onego ing’e malong’o ruoth ni ok wanyal lamo nyasachi, bende ok wanyal kulore piny ni kido mar dhahabu ma isechungo.”

Daniel 3:18 ပူးပေါင်းရင်းမြစ်များ

1 Ruodhi 19:14

Nodwoko niya, “Asebedo katiyo matek ni Jehova Nyasaye Maratego. Jo-Israel osekwedo singruokni, gisemuko kende mag misengini kendo nego jonabigi gi ligangla. An kenda ema adongʼ kendo koro gidwaro nega.”

1 Ruodhi 19:18

To kata mana sani an gi jodolo alufu abiriyo e piny Israel duto mapok okulore ne Baal, kendo ma pod olame ka nyodhe.”

Ayub 13:15

Kata ka onega, to pod abiro keto genona kuome; omiyo pod abiro mana wacho wechena e nyime.

Ngeche 28:1

Jaricho ringo kaonge ngʼama lawe, to joma kare jochir ka sibuor.

Daniel 3:28

Eka Nebukadneza nowacho niya, “Opak Nyasach Shadrak, Meshak kod Abednego nikech en ema oseoro malaikane mi oreso jotichne! Negigeno kuome mi gidagi luwo chikna kendo ne giyie wito ngimagi kar tiyona kata lamo nyasaye moro machielo ma ok Nyasachgi giwegi.

Tim jo-Lawi 19:4

“ ‘Kik uluw bangʼ nyiseche manono, kendo kik ubed gi nyiseche mothedhi mag nyinyo. An e Jehova Nyasaye ma Nyasachu.

Mathayo 10:28

Kik uluor jogo manego ringruok to ok nyal nego chuny. To ngʼama onego uluor en Jal manyalo tieko chuny kaachiel gi ringruok e gehena.

Mathayo 10:39

Ngʼatno momako ngimane matek, ngimane biro lalne; to ngʼatno mowito ngimane, nikech an, biro yude.

Mathayo 16:2

Nodwokogi niya, “Kochopo odhiambo to uwacho ni ‘piny kiny nolendi nikech polo mamarmar,’

Tich Joote 4:19

To Petro gi Johana nodwokogi niya, “Un ema ungʼad bura kendu, ka bende en gima ber e nyim Nyasaye mondo wawinju moloyo winjo Nyasaye.

Jo-Hibrania 11:25

Noyiero mondo osandre gi jo-Nyasaye moloyo dak e mor mar richo marumo piyo nono.

Joshua 24:15

To ka dipo ni tiyone Jehova Nyasaye ok miu mor, to kawuononi yier aneuru ngʼama ubiro tiyone, kata ka en nyiseche manono mane kwereu tiyone e Aora Yufrate, kata en nyiseche manono mag jo-Amor, modak e pinygi. Makmana an gi jooda duto, wabiro tiyone Jehova Nyasaye.”

Fweny 12:11

Ne giloye gi remb Nyarombo, kendo gi Wach Nyasaye mane gihulo, bende ne ok gidew ngimagi ahinya mane nyalo miyo giluor tho.