Daniel 11:41 - Motingʼo Loko Manyien

⁴¹ Piny maber bende enomonji. Pinje mangʼeny nopodhi, makmana piny Edom gi Moab kod jotend Amon ema noresi e lwete.

MUMA MALER 2015

⁴¹ Bende enomonj piny Israel ma jaber, mi oneg ji gana gi gana. Piny Edom gi piny Moab kod piny Amon mane odong’, to notony.

Daniel 11:41 ပူးပေါင်းရင်းမြစ်များ

Jeremia 48:47

“Kata kamano anaduog gweth mag Moab e ndalo mabiro,” Jehova Nyasaye ema owacho. Ma e giko mar ngʼadone Moab bura.

Jeremia 49:6

“Kata kamano bangʼe, anaduog mwandu jo-Amon,” Jehova Nyasaye ema owacho.

Jeremia 9:26

kaka Misri, Juda, Edom, Amon, Moab gi jogo duto modak kuonde motimo ongoro man maboyo. Nimar ogendinigi duto ok oter nyangu adier, kendo kata od Israel duto bende ok oter nyangu e chunygi.”

Daniel 11:16

Jamonj ji-cha notim gima en ema ohero; onge ngʼama nonyal chungʼ e nyime mondo oked kode. Enomanre maber mar kedo gi Piny Maber, kendo enobed gi teko mar kethe.

Daniel 11:42

Lochne nolandre kuom pinje mangʼeny kendo kata mana Misri ok notony e lwete.

Daniel 11:45

Enochung hembene mag lochne e kind nembe e tie got maler ma jaber. Kata kamano gikone nochopi, kendo onge ngʼama nokonye.

Daniel 8:9

Bangʼe tungʼ moro nochako otwi koa kuom tunge angʼwen-go, nochako kotin to bangʼe achien nodongo ka en gi teko kochomo yo milambo gi yo wuok chiengʼ kod yo Piny Maber mar Israel.