Daniel 10:9 - Motingʼo Loko Manyien

⁹ Bangʼe nawinje kowuoyo, mine achikone ita; nindo matut notera, kendo napodho piny auma.

MUMA MALER 2015

⁹ Ne awinjo ka ng’atno wuoyo, mi apodho piny ka rieko olalna, kendo ka wiya ochomo piny.

Daniel 10:9 ပူးပေါင်းရင်းမြစ်များ

Chakruok 15:12

Kane chiengʼ podho, Abram nogore e nindo matut kendo mudho mandiwa noime.

Chakruok 2:21

Kuom mano Jehova Nyasaye nomiyo nindo matut otero Adam; kendo kane onindo, nogolo achiel kuom ngʼedene mi nodino kanyo gi ringʼo.

Ayub 33:15

Owuoyo gi ji e lek, kata e fweny gotieno seche ma dhano ni e nindo matut, ka giyweyo e otendnigi;

Ayub 4:13

Wachni nobirona gotieno e yor lek, e sa ma nindo goye ji ngoga,

Wer Mamit 5:2

Ne anindo, to chunya ne neno. Lingʼ uwinji! Jaherana dwongʼo kowacho niya, “Yaye jaherana, yawna kendo winja maber, yaye jaherana mamuol mana ka akuru. Tho opongʼo wiya, kendo yie wiya opongʼ gi ngʼich mar otieno.”

Daniel 10:16

Eka ngʼat moro machalo dhano nomulo dhoga, mi nayawo dhoga kendo nachako wuoyo. Ne awachone ngʼama nochungʼ e nyima niya, “Ruodha, chandruok oromo chunya nikech fweny ma aseneno, kendo anyosora marumo.

Daniel 8:18

Kane pod owuoyo koda ka akulo wiya piny, nindo matut notera. Eka nomula mi ochunga malo.

Habakuk 3:16

Ne awinjo ma chunya noridore, dhoga nomoko kane awinjo kokono; chokena nonyosore kendo tiendena notetni. To kata kamano abiro rito ka ahora ni odiechieng masira mabiro mako oganda ma monjowa chopi.

Luka 22:45

Kane oa e lamo mi odok ir jopuonjre, noyudogi ka ginindo, ka giol kendo ka gin gikuyo.

Luka 9:32

Petro kaachiel gi jowadgi ne nindo oingo ahinya, to kane gichiewo maber, negineno duongʼne kod ji ariyo kochungo kode.

Fweny 1:17

Kane anene, ne apodho e tiende mana ka ngʼat motho. Eka noketo lwete ma korachwich kuoma mowachona niya, “Kik iluor. An e Jal Mokwongo kendo Jal Mogik.