Daniel 10:19 - Motingʼo Loko Manyien

¹⁹ Nowachona niya, “We luor, yaye in ngʼat ma Nyasaye ogeno ahinya. Bed gi kwe! Yud teko sani, bed motegno.” Ne ayudo teko e sa mane owuoyoe kodano, kendo nawacho niya, “Ruodha, wuo awuoya, nikech koro iseduogona teko.”

MUMA MALER 2015

¹⁹ Nowachona niya, “Nyasaye oheri, omiyo kik chunyi parre kata kik iluor, to bed abeda gi chir.” Kane osewuoyo koda kamano, ne awinjo ka achako yudo teko moko, mi awachone niya, “Jaduong’ wachna gima idwaro nyisa nikech koro iseduogona teko.”

Daniel 10:19 ပူးပေါင်းရင်းမြစ်များ

Zaburi 138:3

Kane aluongo to ne idwoka, kendo ne imiyo abedo gi chir kod chuny motegno.

Isaya 35:4

koneuru joma nigi chuny mool ni, “Beduru motegno kendo kik uluor; nimar Nyasachu biro biro, mondo ochul kuor ne wasiku, kaka owinjore kendo oresu.”

Isaya 41:10

Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Isaya 41:14

Kik ibed maluor, yaye Jakobo, kata obedo ni inenori ni iyomyom ka kudni kamano, yaye in Israel matin maonge ndhathe kik ibed maluor, nimar an awuon abiro konyi,” Jehova Nyasaye Maler mar Israel, ma Jawarni ema asewacho kamano.

Daniel 10:18

Eka ngʼatno nochako omula kendo mi omiya teko.

Daniel 9:23

E sa ma ne ichakoe lemo, ema nodwoki, omiyo asebiro mondo anyisigo, nikech in ngʼat moher ahinya. Kuom mano, koro chik iti mondo iwinj tiend fwenyno:

Hagai 2:4

Jehova Nyasaye wacho ni, ‘Bed motegno, yaye Zerubabel. Bed motegno, yaye Joshua wuod Jehozadak, ma jadolo maduongʼ.’ Jehova Nyasaye medo wacho ni, ‘Beduru motegno, un ji duto modak e pinyni kendo tiuru matek nimar an kodu,’ Jehova Nyasaye Maratego owacho.

Zekaria 8:13

Mana kaka usebedo gima ikwongʼo e dier ogendini, yaye Juda gi Israel, e kaka koro abiro resou, mi udok joma ji yudo gweth kuomgi. Kik ubed maluor, to beduru gi chir.”

Zekaria 8:9

Ma e gima Jehova Nyasaye Maratego wacho: “Un joma winjo wechegi mane jonabi mane nitie e kinde mane iketo mise mar od Jehova Nyasaye Maratego owuoyoe, koro beduru mondo hekalu oger.

Johana 11:3

Omiyo nyimine Lazaro nooro wach ni Yesu niya, “Ruoth, osiepni mihero tuo.”

Johana 11:36

Eka jo-Yahudi nowacho niya, “Neyeuru kaka nohere!”

Johana 11:5

Yesu nohero Maritha gi nyamin mare kod Lazaro.

Johana 14:27

Aweyonu kwe; kwe mara ema amiyou. En kwe ma pinyni ok nyal miyou. Kik chunyu parre kendo kik ubed maluor.

Johana 16:33

“Asenyisou gigi mondo uyud kwe moa kuoma. E pinyni ubiro neno chandruok, to beduru gi chir nikech aseloyo piny.”

Johana 19:26

Kane Yesu oneno min-gi gi japuonjre ma nohero kochungʼ machiegni kanyo, nowachone min-gi niya, “Mama, neye wuodi!”

Johana 21:20

Petro nolokore moneno japuonjre mane Yesu ohero kaluwogi. (Ma e ngʼat mane otenore kuom Yesu kane gilworo mesa gichamo chiemb odhiambo, mi openje niya, “Ruoth, en ngʼa madwaro ndhogi?”)

1 Jo-Korintho 16:13

Beduru motangʼ, kendo chunguru motegno e yie maru, bende beduru jochir kendo motegno.

2 Jo-Korintho 12:9

to ne odwoka niya, “Ngʼwonona mamiyi oromi, nikech kama nyawo nitie ema tekona tiyoe moloyo.” Emomiyo, abiro medo pakora gi ilo kuom nyawona, eka teko mar Kristo osik kuoma.

Jo-Efeso 6:10

Mogik, beduru motegno kuom Ruoth, kendo kuom tekone maduongʼ.

2 Timotheo 2:1

To in, Wuoda, bed motegno kuom ngʼwono ma wan-go kuom Kristo Yesu.

Joshua 1:9

Par kaka asechiki. Bed motegno kendo gi chir. Kik iluor kendo kik chunyi nyosre; nikech an Jehova Nyasaye ma Nyasachi abiro bedo kodi kamoro amora midhiye.”

Fweny 1:17

Kane anene, ne apodho e tiende mana ka ngʼat motho. Eka noketo lwete ma korachwich kuoma mowachona niya, “Kik iluor. An e Jal Mokwongo kendo Jal Mogik.

Jong’ad Bura 6:23

To Jehova Nyasaye nowachone niya, “Bed gi kwe! Kik iluor. Ok nitho.”