Daniel 10:15 - Motingʼo Loko Manyien

¹⁵ Kane oyudo owachona wachni ne akulo wiya piny, kendo dhoga nomoko.

MUMA MALER 2015

¹⁵ Kane owuoyo koda kamano, to ne akulo wiya, ka dhoga omoko.

Daniel 10:15 ပူးပေါင်းရင်းမြစ်များ

Ezekiel 24:27

To dhogi noyawre sa nogono; mi iniwuo kode kendo ok inilingʼ. Kuom mano, inibednegi ranyisi, kendo giningʼe ni An e Jehova Nyasaye.”

Ezekiel 3:26

Abiro miyo lewi moki e dandi, mondo eka ilingʼ ma ok inyal kwerogi, kata obedo ni gin dhoot mohero ngʼanyo kamano.

Ezekiel 33:22

To kochopo godhiambo ma bangʼe kinyne ngʼatno ne biroe ira, bad Jehova Nyasaye ne ni kuoma, kendo ne oyawo dhoga ka ngʼatno ne pok ochopo ira gokinyi. Omiyo dhoga ne oyawore kendo koro ne ok alingʼ mak awuoyo.

Daniel 10:9

Bangʼe nawinje kowuoyo, mine achikone ita; nindo matut notera, kendo napodho piny auma.

Daniel 8:18

Kane pod owuoyo koda ka akulo wiya piny, nindo matut notera. Eka nomula mi ochunga malo.

Luka 1:20

To koro ibiro bedo momo kendo ok iniwinj nyaka ndalo ma gini notimre, nikech ne ok iyie wechena mabiro bedo adiera e kindegi mowinjore.”