Chakruok 9:23 - Motingʼo Loko Manyien

²³ To Shem kod Jafeth nokawo nanga mi oketo e gokgi; eka negidonjo ei hema ka giwuotho gi ka ngʼegi mi giumo dug wuon-gi. Wengegi ne ngʼiyo komachielo mondo omi kik gine dug wuon-gi.

MUMA MALER 2015

²³ Kane Shem gi Jafeth owinjo wachno, ne gikawo nanga, mi giketo e gokgi, kendo ne giwuotho gi kang’egi, mi giumo dug wuon-gi. Ne giloko wigi mondo kik gine duge.

Chakruok 9:23 ပူးပေါင်းရင်းမြစ်များ

Chakruok 9:22

Ham wuon Kanaan noneno dug wuon kendo nodhi mowachone owetene ariyo mane ni oko.

Chakruok 9:24

Kane Nowa kongʼo orumo e wangʼe, mi ofwenyo gima wuode matin notimone,

Wuok 20:12

Luor wuonu gi minu mondo udagi amingʼa e piny ma Jehova Nyasaye ma Nyasachu miyou.

Tim jo-Lawi 19:32

“ ‘Nyaka ichiw luor kichungone jaduongʼ ma wiye oti lwar kendo uluor Nyasachu. An e Jehova Nyasaye.

Jo-Rumi 13:7

Miuru ji duto gik makorgi monego umigi kaka: Joma onego chul osuru; chuluru osuru; joma juogo chuluru pesa jwok; joma onego uluor, miuru luor, kendo joma onego umi duongʼ, miuru duongʼ.

Jo-Galatia 6:1

Jowetena, ka ojuk ngʼato katimo richo, to un joma nigi Roho onego uduoge gi chuny mamuol, kuritoru uwegi mondo kik udonj e tem.

1 Timotheo 5:1

Kik idhaw gi ngʼama duongʼ gi dwol makwiny, to wuo kode mamuol giluor mana ka wuonu monywoli. Kaw yawuowi matindo ka oweteni,

1 Timotheo 5:17

Jodong kanisa morito weche mag kanisa onego yud pok margi nyadiriyo, to moloyo jodongo ma tichgi en yalo kod puonjo wach Nyasaye.

1 Timotheo 5:19

Kik iyie gi ketho modonjnego jaduongʼ kanisa kaonge joneno ariyo kata adek.

1 Petro 2:17

Chiwuru luor mowinjore ne ji duto. Heruru jowete duto mowar. Luoruru Nyasaye. Miuru ruoth mar piny luor.

1 Petro 4:8

To moloyo mago duto, herreuru gihera matut ngʼato gi ngʼato, nikech hera umo richo mangʼeny.