Chakruok 7:4 - Motingʼo Loko Manyien

⁴ Bangʼ ndalo abiriyo koa sani abiro kelo koth e piny kuom ndalo piero angʼwen odiechiengʼ gi otieno, kendo abiro tieko gik moko duto mangima mane achweyo.”

MUMA MALER 2015

⁴ Bang’ ndalo abiriyo abiro kelo koth e piny kuom ndalo piero ang’wen, odiechieng’ gotieno, mi anatiek gik moko duto mangima masechweyo.”

Chakruok 7:4 ပူးပေါင်းရင်းမြစ်များ

Chakruok 2:5

ne onge buya mane osetwi e piny kendo ne onge yien mane osedongo nikech Jehova Nyasaye ne pok ooro koth e piny kendo ne onge dhano mawuotho ewi lowo,

Chakruok 6:13

Kuom mano, Nyasaye nowacho ne Nowa niya, “Abiro tieko dhano duto nikech piny opongʼ gi timbe maricho nikech gin. Adier abiro tiekogi kaachiel gi piny.

Chakruok 6:17

Abiro kelo pi mar nam e piny mondo oketh gik mangima modak e bwo polo, gimoro amora man kod muya mar ngima e iye. Gimoro amora mae piny biro tho.

Chakruok 6:3

Eka Jehova Nyasaye nowacho niya, “Mucha machiwo ngima ok nodag kuom dhano nyaka chiengʼ, nikech en ringruok matow, ndalone nobed higni mia achiel gi piero ariyo.”

Chakruok 6:7

Kuom mano Jehova Nyasaye nowacho niya, “Abiro nego dhano duto masechweyo e wangʼ piny kaachiel gi le kod gik mamol duto kod winy mafuyo e kor polo nimar dine ber ka dine ok achweyogi.”

Chakruok 7:10

Kendo bangʼ ndalo abiriyo pi mar ataro nobiro e piny.

Chakruok 7:12

Kendo koth nochwe e piny ndalo piero angʼwen odiechiengʼ gotieno.

Chakruok 7:17

Kuom ndalo piero angʼwen pi nomedo pongʼo piny kendo kaka pi ne medore, motingʼo yie kalewore ewi pi.

Chakruok 7:3

kendo gi kit winy duto machwo abiriyo kod mamon abiriyo mondo okan kitgi e piny ngima.

Chakruok 8:10

Norito bangʼ ndalo abiriyo moko kendo nooro akuru koa ei yie.

Chakruok 8:12

Norito ndalo abiriyo moko kendo nochako ooro akuruno, to ne ok odwogo ire kendo.

Chakruok 8:2

Koro sokni manie bwo lowo kod dirise mag ataro moa e polo nolor, kendo koth moa e polo nochok.

Ayub 22:16

ma gin joma ne kargi olal nono kapok ndalogi ochopo kendo ma mise margi ne ohula oywero modhigo?

Ayub 28:25

Kane oguro teko mar yamo kendo opimo giko nembe,

Zaburi 69:28

Mad ruch kargi oko e kitap joma ngima kendo kik kwan-gi kaachiel gi joma kare.

Jeremia 28:16

Emomiyo, ma e gima Jehova Nyasaye wacho: ‘Achiegni goli e pinyni. Mana e higani idhi tho, nikech iseyalo ngʼanyo ne Jehova Nyasaye.’ ”

Amos 4:7

“Ne amako koth mondo kik chue kane pod odongʼ dweche adek to piny chiek. Ne amiyo koth ochwe e mier moko, to ok e mier mamoko. Ne ochwe e puothe moko, to puothe mane ok ochweye, to ne wangʼ.

Fweny 3:5

Ngʼat molocho bende norwakre gi lewni marochere kaka gin, bende ok naruch nyinge e kitap ngima, to abiro hulo nyinge e nyim Wuora gi Malaike mage.