Chakruok 50:10 - Motingʼo Loko Manyien

¹⁰ Kane gichopo kar dino cham man Atad, machiegni gi Jordan, negiywago wuon-gi matek kendo malit ahinya; kendo Josef nokawo ndalo abiriyo koywago wuon-gi.

MUMA MALER 2015

¹⁰ Kane gichopo kar dino cham man Atad yo wuok chieng’ mar Jordan, ne giywago wuon-gi malich ahinya kuom ndalo abiriyo.

Chakruok 50:10 ပူးပေါင်းရင်းမြစ်များ

Chakruok 27:41

Esau nomako sadha gi Jakobo nikech gweth mane wuon-gi osemiyo Jakobo. Nowacho e chunye niya, “ndalo mag tho wuora chiegni, bangʼe abiro nego Jakobo owadwa.”

Chakruok 50:11

Kane jo-Kanaan modak kuno oneno ywak man kar dino cham man Atad, negiwacho niya, “Jo-Misri nigi kuyo mar ywak.” Mano ema omiyo iluongo loka Jordan kono ni Abel Mizraim.

Chakruok 50:3

Notieko ndalo piero angʼwen nikech mano e kaka kitundu molos gi yath idwaro mondo otieki. Jo-Misri noywage kuom ndalo piero abiriyo.

Chakruok 50:4

Ka ndalo mag ywak noserumo, Josef nowuoyo gi jood Farao niya, “Ka unyalo timona ngʼwono, to nyisnauru Farao niya,

Chakruok 50:9

Joriemb geche gi Farese bende nodhi kode. Ne en gi oganda maduongʼ.

2 Samuel 1:17

Daudi nochwogo wend ywak miywagogo Saulo gi wuode Jonathan,

2 Samuel 11:26

Kane chi Uria owinjo ni chwore otho, noywage.

1 Weche mag Ndalo 10:12

thuondigi duto nodhi mokawo ringre Saulo kod ringre yawuote ma gikelogi Jabesh. Eka ne giyiko chokegi e tiend yien maduongʼ mar ober man Jabesh, bangʼe to negitweyo chiemo kuom ndalo abiriyo.

Ayub 2:13

Bangʼe negibet kode piny e lowo kuom ndalo abiriyo odiechiengʼ gotieno. Onge ngʼama nowachone wach moro amora, nikech negineno ka chandruok mane en-go ne pek moloyo.

Eklesiastes 12:5

Ji noluor kuonde motingʼore gi malo kendo wuoth nobednigi matek e wangʼ yore. Maua mar oyungu thiewo kendo ongogo lak mondo odhi ocham it yien-no, to oyudo ka it yien-no onge gi ndhandhu. Kamano e kaka dhano dhiyo e dalane mosiko ka joywak to dengo e wangʼ yore.

Kwan 19:11

“Ngʼato angʼata momulo ringre ngʼama otho biro bedo mochido kuom ndalo abiriyo.

Kwan 20:29

kendo ka oganda duto nowinjo ni Harun osetho, to jo-Israel noywage kuom ndalo piero adek.

Tich Joote 8:2

Joma oluoro Nyasaye noyiko Stefano kendo ne giywage malit.

Rapar mar Chik 1:1

Magi e weche mane Musa owacho ne jo-Israel duto e piny motwo man wuok chiengʼ mar Jordan, mano man Araba mochomore gi Suf e kind Paran kod Tofel; Laban, Hazeroth kod Dizahab.

Rapar mar Chik 34:8

Jo-Israel ne oywago Musa e pap man Moab kuom ndalo piero adek nyaka ndalo mag kuyo kod ywak orumo.

1 Samuel 31:13

Eka negikawo chokegi ma giyiko e tiend yath moro man Jabesh, kendo negitweyo chiemo kuom ndalo abiriyo.