Chakruok 49:6 - Motingʼo Loko Manyien

⁶ Ok nariwra kodgi e buchegi, ok nariwra kodgi e chokruogegi, nikech ka mirima omakogi to ginego ji kendo gingʼado odond dhok sa asaya ka gihero.

MUMA MALER 2015

⁶ Ok nariwra e buchegi maling’ling’ kendo ok nadonj e chokruokgi, nikech ka gikecho, to ginego ji kendo ging’ado odond ruedhi kayiem nono.

Chakruok 49:6 ပူးပေါင်းရင်းမြစ်များ

Chakruok 34:30

Eka Jakobo nowacho ne Simeon gi Lawi niya, “Usekelona chandruok maduongʼ ka umiya nying marach e kind jo-Kanaan kod jo-Perizi, ma weg pinyni. Wan ji manok, kendo kagiriworenwa mondo giked kodwa e lweny, to an kod oda ibiro tieka.”

2 Samuel 8:4

Daudi nomako geche lweny alufu achiel gi joidh farese alufu abiriyo, gi jolweny mawuotho gi tiendgi alufu piero ariyo. Nongʼado odond farese duto.

1 Weche mag Ndalo 18:4

Daudi nomako geche lweny alufu achiel gi joidh farese alufu abiriyo, to gi jolweny mawuotho gi tiendgi alufu piero ariyo. Nongʼado odond farese duto makmana farese mia achiel kuomgi ema noweyo.

Zaburi 1:1

Nyasaye gwedho ngʼat ma ok lu pach joma richo, kata luwo yor joricho kata bedo e kom jojaro.

Zaburi 103:1

Pak Jehova Nyasaye, yaye chunya; chunya maiye duto mondo opak nyinge maler.

Zaburi 139:19

Yaye Jehova Nyasaye, mad iyie ineg joma timbegi richo! Ayiuru buta, un joma rich chwero remb ji omakogi!

Zaburi 16:9

Emomiyo chunya mor kendo lewa yot; ringra bende biro yweyo gi kwe,

Zaburi 26:9

Kik ikaw chunya kaachiel gi joricho, kik ikaw ngimana kod joma ohero chwero remo,

Zaburi 28:3

Kik iywaya oko gi joricho, kod joma timo gik maricho, joma wuoyo gi jowetegi maber to opando sigu e chunygi.

Zaburi 30:12

mondo chunya owerni kendo kik olingʼ. Yaye Jehova Nyasaye Nyasacha, abiro goyoni erokamano nyaka chiengʼ.

Zaburi 42:11

Angʼo momiyo ikuyo, yaye chunya? Angʼo momiyo inyosori, yaye chunya? Ket genoni kuom Nyasaye, nikech pod abiro pake, en e Jawarna kendo Nyasacha.

Zaburi 42:5

Angʼo momiyo ikuyo, yaye chunya? Angʼo momiyo inyosori yaye chunya? Ket genoni kuom Nyasaye, nikech pod abiro pake, kaka Jawarna kendo Nyasacha.

Zaburi 43:5

Angʼo momiyo ikuyo, yaye chunya? Angʼo momiyo inyosori, yaye chunya? Ket genoni kuom Nyasaye, nikech pod abiro pake, en e Jawarna kendo Nyasacha.

Zaburi 5:10

Kwan-gi kaka joketho, yaye Nyasaye! Ket obadho ma giketo ne ji ogajgi gin giwegi. Riembgi nikech richogi mathoth, nimar gisengʼanyoni.

Zaburi 57:8

Chiew, in chunya! Chiewuru un orutu gi nyatiti! Abiro chiewo kogwen.

Zaburi 64:2

Panda ne chenro maricho mag joma richo, panda ne koko ma oganda matimo marach goyo.

Ngeche 1:11

Kagiwachoni niya, “Bi idhi kodwa; mondo wabuti ni ngʼato wanegi, kendo wamonj kayiem nono joma onge ketho;

Ngeche 12:5

Chenro mar ngʼat makare nikare, to puonj mar joricho en wuondruok.

Jeremia 15:17

Ne ok abedo e kanyakla mar jojaro, ne ok atimo nyasi kodgi; to ne abedo kenda nikech lweti ne ni kuoma kendo ne ipongʼa gi mirima.

Jeremia 4:19

Yaye, iya nyawni, iya nyawni! An gi rem malit. Yaye, lit mager mar chunya! Chunya ridore, ok nyal lingʼ thi. Nimar asewinjo koko mar turumbete; asewinjo ywak mar kedo.

Luka 12:19

Eka anawach gie chunya niya, “Chunya in-gi gik mangʼeny mabeyo misekano moromi kuom higni mangʼeny. Koro ywe, chiem, methi kendo bed mamor.” ’

2 Jo-Korintho 6:14

Kik uriwru gi jopiny. Nimar en winjruok mane ma ber gi rach dibedgo e achiel? Koso ere kaka ler gi mudho didag kaachiel?

Rapar mar Chik 27:24

“Okwongʼ ngʼat ma onego nyawadgi lingʼ-lingʼ.” Eka ji duto nodwok niya, “Amin!”

Joshua 11:9

Joshua notimonigi kaka Jehova Nyasaye nosechiko. Nongʼado odond tiend farese kendo nowangʼo gechegi.

Jong’ad Bura 5:21

Aora Kishon noywoyogi, aora ma hike ngʼeny, aora Kishon. Dhi nyime, chunya; bed motegno!