Chakruok 48:20 - Motingʼo Loko Manyien

²⁰ Nogwedhogi chiengʼno, kendo owachonegi niya, “Ka Israel dwaro gwedho ngʼato to nokonyre gi nyingu kowacho kama, ‘Mad Nyasaye gwedhi kaka osegwedho Efraim kod Manase.’ ” Kuom mano noketo Efraim obedo maduongʼ ne Manase.

MUMA MALER 2015

²⁰ Israel noguedho nyithindogo chieng’no, kawacho niya, “Ka jo-Israel dwaro gwedho ng’ato to ginikonyre gi nyingu ka giwacho kama: ‘Nyasaye mondo oguedhi kaka oseguedho Efraim gi Manase.’ ” Kamano Israel nomiyo Efraim obedo maduong’ ni Manase.

Chakruok 48:20 ပူးပေါင်းရင်းမြစ်များ

Chakruok 24:60

Kendo negigwedho Rebeka kagiwachone niya, “Nyathiwa, bed min ji gana gi gana; mad nyikwayi medre ma kaw mier madongo mag wasikgi.”

Chakruok 28:3

Mad Nyasaye Maratego gwedhi kendo inyaa mi kwanu medre nyaka ubed oganda mathoth.

Chakruok 48:21

Eka Israel nowacho ne Josef niya, “Koro achiegni tho, to Nyasaye biro bedo kodu kendo nodwoku e piny kwereu.

Kwan 13:11

koa e dhood Manase (ma en dhood Josef), ne en Gadi wuod Susi;

Kwan 13:16

Magi e nying chwo mane Musa ooro mondo onon piny Kanaan. (Musa nomiyo Hoshea wuod Nun nying ni Joshua.)

Kwan 13:8

koa e dhood Efraim, ne en Hoshea wuod Nun;

Kwan 7:48

Elishama wuod Amihud, ma jatend joka Efraim nokelo misango mare e odiechiengʼ mar abiriyo.

Kwan 7:54

Gamaliel wuod Pedazur, ma jatend joka Manase, nokelo misango mare e odiechiengʼ mar aboro.

Jo-Hibrania 11:21

Yie ema nomiyo Jakobo ogwedho yawuot Josef, moro ka moro, sa ma nochiegni tho kendo nolemo koyiengore e ludhe mar wuoth.

Joshua 17:14

Joka Josef nowachone Joshua niya, “Ere gima omiyo isepogonwa kendo miyowa mana kamoro achiel kaka girkeni? Wasenyaa kendo Jehova Nyasaye osegwedhowa mogundho.”