Chakruok 48:19 - Motingʼo Loko Manyien

¹⁹ To wuon-gi nodagi mowachone niya, “Angʼeyo mano nyathina. Manase bende biro bedo oganda maduongʼ. To kata kamano owadgi matin nobed giduongʼ moloye kendo nyikwaye nobed ogendini mangʼeny.”

MUMA MALER 2015

¹⁹ To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

Chakruok 48:19 ပူးပေါင်းရင်းမြစ်များ

Chakruok 17:4

“Singruok matimo kodi ema: Inibed wuon ogendini mangʼeny.

Chakruok 25:23

Jehova Nyasaye nowacho niya, “Ogendini ariyo ni e iyi, kendo ogendini ariyogo biro pogore; oganda moro biro bedo motegno moloyo machielo kendo wuowi maduongʼ noti ne wuowi matin.”

Chakruok 25:28

Isaka ma nohero ring le nohero Esau to Rebeka nohero Jakobo.

Chakruok 28:14

Nyikwayi nobed mangʼeny ka kwoyo, kendo unudag koa yo podho chiengʼ nyaka wuok chiengʼ, bende koa yo nyandwat nyaka yo milambo. Ogendini duto manie piny nogwedh kokadho kuomi kod nyikwayi.

Chakruok 46:3

Nyasaye nowachone niya, “An Nyasaye ma Nyasach wuonu. Kik iluor dhi Misri, nikech anami ibedi oganda maduongʼ kuno.

Chakruok 48:14

To Israel norieyo bade ma korachwich moketo ewi Efraim wuowi ma chogo, kendo bade ma koracham ewi Manase kata obedo ni en ema ne en wuowi maduongʼ.

Chakruok 48:18

Josef nowachone niya, “Ooyo, wuora ma e wuowi ma kayo: ket lweti ma korachwich e wiye.”

Isaya 7:17

Kokalo kuom ruodh Asuria, Jehova Nyasaye biro kelo kuomi gi kuom jogi kod od wuonu masira mane pok oneye nyaka ne Efraim pogre gi Juda.”

Ezekiel 27:10

“ ‘Jo-Pasia, gi jo-Lidia kod jo-Put ne gin jolweny magi makedoni. Negiliero okumbnigi gi ogutegi mag lweny e ohingagi kendo mano nomiyi duongʼ.

Rapar mar Chik 1:10

Jehova Nyasaye ma Nyasachu osemiyo kwan maru omedore ma kawuono ungʼeny mana ka sulwe manie kor polo.

Rapar mar Chik 33:17

Joka Josef nochal gi rwath makayo, tungene nochal mana ka tung jowi manie thim, ma obiro chuowogo ogendini moriembgi nyaka tunge piny duto. Tungego gin ji alufu apar mag Efraim kod ji alufu apar mag jo-Manase.

Fweny 7:6

Koa e dhood Asher ji alufu apar gariyo (12,000), Koa dhood Naftali ji alufu apar gariyo (12,000), Koa dhood Manase ji alufu apar gariyo (12,000),

Fweny 7:8

Koa dhood Zebulun ji alufu apar gariyo (12,000), Koa dhood Josef ji alufu apar gariyo (12,000), kendo dhood Benjamin ji alufu apar gariyo (12,000).