Chakruok 47:9 - Motingʼo Loko Manyien

⁹ Kendo Jakobo nodwoko Farao niya, “Higni ma asewuothogo e piny gin higni mia achiel kod piero adek. Gisebedo manok kendo matek kendo ok ginyal romo gi higni mane wuora odak godo e piny.”

MUMA MALER 2015

⁹ Jakobo nodwoke ni, “Higni ma asewuotho e piny, gin mana mia achiel gi piero adek. Hignigo osebedo manok kendo maricho, kendo ok girom gi higni ma kwerewa nowuothogo e piny.”

Chakruok 47:9 ပူးပေါင်းရင်းမြစ်များ

Chakruok 11:11

Bangʼ ka Shem nosenywolo Arfaksad, nodak higni mia abich mi onywolo yawuowi kod nyiri mamoko.

Chakruok 35:28

Isaka nodak higni mia achiel gi piero aboro.

Chakruok 47:28

Jakobo nodak Misri kuom higni apar gabiriyo kendo ndalo hike duto noromo higni mia achiel gi piero angʼwen gabiriyo.

Chakruok 47:8

Farao nopenje niya, “In ja-higni adi?”

Chakruok 5:27

Methusela nodak kuom higni mia ochiko gi piero auchiel gochiko kendo bangʼe notho.

Chakruok 50:26

Kamano Josef notho ka en ja-higni mia achiel kod apar. Kendo bangʼ kane gisewiro ringre gi yath, negikete e sanduku e piny Misri kuno.

1 Weche mag Ndalo 29:15

Wan jodak kendo joma welo e nyim wangʼi, mana kaka kwerewa nobet. Ndalowa e piny ka chalo gi tipo, kendo waonge geno.

Ayub 14:1

“Dhano ma dhako onywolo ndalone nok kendo oneno chandruok mathoth.

Zaburi 119:19

An mana wendo e piny omiyo kik ipandna chikeni.

Zaburi 119:54

Chikeni e thoro mar wenda, kamoro amora ma abwore.

Zaburi 39:12

Winj lamona, yaye Jehova Nyasaye, chik iti ni lamona ma adwarogo kony; kik idin iti ne ywakna, nikech adak kodi mana ka japiny moro, an mana wendo kaka kwerena duto ne gin.

Zaburi 39:13

We ngʼiya, mondo achak abed moil kendo kapok adar aweyo pinyni mi alal e wangʼ ji.

Zaburi 39:5

Iseketo ndalona obedo machiek ka bad dhano; kar romb higni maga ok gimoro e nyimi, ngima dhano ka dhano en mana muya nono. Sela

Wuok 6:4

Bende ne aguro singruokna kodgi ni anamigi piny Kanaan, kama negidakie kaka jodak.

Wuok 7:7

E kinde mane giwuoyo gi Farao, Musa ne ja-higni piero aboro to Harun to ne ja-higni piero aboro gadek.

2 Jo-Korintho 5:6

Kuom mano, wan gi chir pile, kendo wangʼeyo ni ka pod wadak e ringruogni, to wan mabor gi Ruoth.

Rapar mar Chik 34:7

Musa ne ja-higni mia achiel kod piero ariyo kane otho, to kata kamano wengene ne ok ojony kata tekone bende ok orumo.

Jo-Hibrania 13:14

Nikech e pinyni waonge gi dala mosiko, to warito dala machielo mwabiro nwangʼo achien.

Jakobo 4:14

Ere kaka uwuoyo kamano to ukia gima kiny notimre. Uparo ni ngimau en angʼo? Ngimau chalo mana ka ongʼwengʼo mineno sa matin kende to bangʼe lal nono.

Joshua 24:29

Bangʼ mago duto, Joshua wuod Nun, jatich Jehova Nyasaye, notho ka en gi higni mia achiel gapar.

1 Petro 2:11

Joherana, ajiwou, kaka jowuoth kendo kaka welo e pinyni, mondo uwe gombo maricho mag ringruok makedo gi chunyu.