Chakruok 47:4 - Motingʼo Loko Manyien

⁴ Negimedo wachone niya, “Wasebiro mondo wadag e pinyni matin, nikech kech ger e piny Kanaan maonge kata mana lum ma jamb jotichni dikwae. Kuom mano, koro yie jotichgi odag e gwengʼ Goshen.”

MUMA MALER 2015

⁴ To wasebiro mondo wadag e pinyni, nimar kech ger e piny Kanaan, ma kata lek ma jambwa dikwaye onge. Koro, ruoth, yie mondo wadag e piny Goshen.”

Chakruok 47:4 ပူးပေါင်းရင်းမြစ်များ

Chakruok 12:10

Koro kech nomako pinyno kendo Abram nodhi Misri mondo odhi odag kuno kuom kinde matin nikech kech ne duongʼ.

Chakruok 15:13

Eka Jehova Nyasaye nowachone niya, “Ngʼe malongʼo ni nyikwayi nobed jodak e piny moro ma ok margi, kendo nolokgi wasumbini mi nosandgi malit kuom higni mia angʼwen.

Chakruok 43:1

Koro kech ne pod ger ahinya e piny.

Chakruok 45:10

Ibiro dak e piny Goshen kendo machiegni koda; ma en in gi nyithindi, nyikwayi, jambi, dhogi kod gik moko duto ma in-go.

Chakruok 46:34

to nyaka uwachne ni, ‘Jotichgi osebedo jokwath chakre tindowa, mana kaka kwerewa notimo.’ Eka ibiro yienu mondo udag e gwengʼ Goshen, nikech jo-Misri ok ohero jokwath.”

Chakruok 47:5

Farao nowacho ne Josef niya, “Wuonu kod oweteni osebiro iri,

Zaburi 105:23

Bangʼe Israel duto nobiro Misri; Jakobo nodoko jadak e piny Ham.

Isaya 52:4

Ma e gima Jehova Nyasaye Manyalo Gik Moko Duto wacho: “Mokwongo joga nodhi Misri mondo odagie, bangʼe jo-Asuria nosandogi.

Tich Joote 7:11

“Eka kech maduongʼ nomako piny Misri gi Kanaan kendo nokelo chandruok maduongʼ e piny ma kata kwerewa ne ok nyal yudo chiemo.

Tich Joote 7:6

Nyasaye nowuoyo kode kawacho ni, ‘Nyikwayi nobed jodak e piny moro ma ok margi, kendo nolokgi wasumbini mi nosandgi malit kuom higni mia angʼwen.

Rapar mar Chik 26:5

Eka unuwachi e nyim Jehova Nyasaye ma Nyasachu niya, “Wuonwa ne en ja-Aram mane bayo kendo ne odhi Misri gi ji moko manok modak kuno mi obedo oganda maduongʼ, maratego kendo mangʼeny.