Chakruok 47:24 - Motingʼo Loko Manyien

²⁴ To e ndalo mag keyo, nyaka umi Farao achiel kuom abich. To angʼwen ewi abich modongʼ unyalo kano kaka kodhi kendo kaka chiembu gi nyithindu kod joodu duto.”

MUMA MALER 2015

²⁴ To e kinde mag keyo, nyaka umi Farao achiel kuom abich mag cham. To mago modong’ ema nobednu kodhi, kod cham munyalo chamo gi joodu kod nyithindu.”

Chakruok 47:24 ပူးပေါင်းရင်းမြစ်များ

Chakruok 14:20

Kendo ogwedh Nying Nyasaye Man Malo Moloyo mane oketo wasiki e lweti.” Eka Abram nomiye achiel kuom apar mar gik moko duto.

Chakruok 14:21

Ruodh Sodom nowacho ne Abram niya, “Miya ji to idongʼ gi gik moko duto.”

Chakruok 28:22

kendo kidi ma asechungo kaka sironi, nobed od Nyasaye kendo duto ma imiya, namiyi achiel kuom apar.”

Chakruok 41:34

Farao nyaka ket jotend gwenge e piny Misri duto mondo ochoki achiel kuom abich mag chamb Misri kuom higni abiriyo mag yiengʼo.

Chakruok 47:23

Josef nowacho ne jo-Misri-go niya, “Koro kaka asengʼiewou kawuononi ne Farao kaachiel gi puotheu, kodhi eri dhi ukom.

Chakruok 47:25

Negiwachone Josef niya, “Ruoth isekonyo ngimawa, omiyo ka ineno ni mano ber to wabiro bedo wasumb Farao.”

Zaburi 112:5

Ngʼama ngʼwon ma holo ji gige gi chuny maler biro neno ber ngʼat matiyo tijene gi adiera.

Zaburi 41:1

Ngʼama paro joma ok nyal en jahawi; Jehova Nyasaye rese ka chandruok omake.

Tim jo-Lawi 27:30

“ ‘Achiel kuom apar mar gik moko duto ma lowo onyago bedni gin cham, kata olembe duto gin mag Jehova Nyasaye, kendo gin gik maler mowalne.

Tim jo-Lawi 27:32

Chiayo mar apar mokadho e bwo ludh jakwath e kinde ma okwanogi, nobed mowal ni Jehova Nyasaye, bedni gin dhok kata rombe.

Kwan 18:21

“Amiyo jo-Lawi achiel kuom apar duto mantiere e Israel kaka girkeni margi ka achulogigo kuom tich ma gitiyo e Hemb Romo.

Rapar mar Chik 14:22

Neni uketo tenge achiel kuom apar mag giu ma puotheu onyago.

Rapar mar Chik 26:12

Ka useketo tenge achiel kuom apar mag gik moko duto monyak e higa mar adek, ma en higa michiwoe achiel kuom apar mag gik monyak, to nyaka uchiw gigo ne jo-Lawi, gi jopinje mamoko modak e dieru kaachiel gi nyithind kiye kod mon ma chwogi otho mondo gibed gi chiemo moromogi.