Chakruok 47:19 - Motingʼo Loko Manyien

¹⁹ Angʼo momiyo diwatho kendo lopewa bende kethore to ineno? Ngʼiewa-wa wabed wasumbinini kaachiel gi puothewa kuom chiemo mondo mi wan kaachiel gi puothewa wabed mag Farao. Miwa kodhi mipidho mondo kik watho kendo puothewa kik kethre.”

MUMA MALER 2015

¹⁹ Ang’o momiyo watho e nyimi, to ineno, kendo lopwa bende kethore? Ng’iewwa kaachiel gi puothewa kuom chiemo mondo wabed wasumb Farao, kendo puothewa odok mage, miwa kodhi mondo kik kech negwa, mondo pwothewa kik kethre.”

Chakruok 47:19 ပူးပေါင်းရင်းမြစ်များ

Chakruok 41:36

Cham-go onego okan e kuonde keno mag pinyni, mondo obi otigo e higni abiriyo mag kech mabiro mako piny Misri, mondo mi kik kech keth piny.”

Chakruok 47:15

Kane pesa jo-Misri kod jo-Kanaan orumo, jo-Misri duto nobiro ir Josef kendo owachone niya, “Miwa chiemo, dangʼ watho e nyimi nangʼo to pesawa orumo?”

Chakruok 47:18

Kane higano orumo, negidok ire e higa moluwo mano mi giwachone niya, “Ruoth ok wanyal wuondoreni nikech pesawa oserumo kendo jambwa bende osedoko magi, koro onge gima wanyalo miyi makmana ringrewa kod lopewa.

Chakruok 47:20

Kuom mano Josef nongʼiewo lope duto mag Misri ne Farao. Jo-Misri noloko puothegi duto pesa nikech kech ne duongʼ ahinya. Piny Misri duto nobedo mar Farao,

Ayub 2:4

Satan nodwoko niya, “Dhano nyalo yie weyo gimoro amora ma en-go mana ni mondo obed mangima.

Ywagruok 1:11

Joge duto chur kaywagore ka gimanyo chiemo; giloko mwandugi mondo giyud chiemo, mondo gibed mangima. “Yaye Jehova Nyasaye, neye kendo iparae, nimar ji ochaya.”

Ywagruok 5:6

Ne wachiwore ni Misri kod Asuria mondo wayud chiemo moromo.

Ywagruok 5:9

Wayudo chiembwa e yo matek manyalo hinyo ngimawa nikech lweny manie thim.

Mathayo 16:26

Koso en ber mane ma ngʼato yudo ka piny duto obedo mare to ngimane to olalne? Koso en angʼo ma ngʼato dichiw mondo owil gi ngimane?