Chakruok 45:27 - Motingʼo Loko Manyien

²⁷ To kane giwachone gik moko duto mane Josef osewachonegi kendo kane oneno geche mane Josef oseoro mondo odhi otere ire, chuny Jakobo wuon-gi noduogo.

MUMA MALER 2015

²⁷ To kane ginyise weche duto mane Josef osewachonigi, kendo ka noneno geche mane Josef oseoro mondo otere Misri, chunye noduogo.

Chakruok 45:27 ပူးပေါင်းရင်းမြစ်များ

Isaya 57:15

Nimar ma e gima Jal Man Malo Moloyo ma en Jal modak nyaka chiengʼ, ma nyinge ler wacho, “Adak kama ler man malo, kaachiel gi ngʼat mofwenyo richone kendo man-gi chuny mobolore, mondo aduog chuny ngʼat moboloreno kendo ajiw chuny ngʼat mofwenyo richone.

Chakruok 45:19

Bende asemiyi chik mondo inyisgi niya, “Kawuru geche miywayo gi punde e piny Misri mondo udhi uomgo nyithindeu gi mondeu kod wuonu kendo ubi kodgi ka.

Hosea 6:2

Bangʼ ndalo ariyo obiro duogo chunywa to e odiechiengʼ mar adek obiro resowa, mondo omi wadag kode.

Zaburi 85:6

Angʼo mamoni duogowa iri kendo, mondo eka jogi obed mamor kuomi?

1 Samuel 30:12

nus mar kek molos gi olemb ngʼowu to gi kek molos gi resin. Nochiemo ma chunye noduogo nikech noyudo pok ochiemo kata modho pi kuom odiechienge adek gi otieno bende.

Jong’ad Bura 15:19

Eka Nyasaye noyawo holo e Lehi, kendo pi nowuok kanyo. Kane Samson omodhe, tekone noduogo. Omiyo thidhiano nochako ni En Hakore, kendo pod entiere Lehi.

Chakruok 45:28

Kendo Israel nowacho niya, “Ayie ni Josef wuoda pod ngima. Abiro dhi mondo anene kapok atho.”

Ngeche 25:25

Mana kaka pi mangʼich chalo ne chuny mool, e kaka wach maber moa e piny mabor chalo.