Chakruok 42:4 - Motingʼo Loko Manyien

⁴ To Jakobo ne ok ooro Benjamin mowadgi Josef hie kodgi nikech noluor ni dipo ka gimoro ohinye.

MUMA MALER 2015

⁴ To Jakobo ne ok oyie mondo Benjamin owadgi Josef mahie odhi kodgi, nikech noluor ni dipo ka gimoro ochame kuno.

Chakruok 42:4 ပူးပေါင်းရင်းမြစ်များ

Chakruok 11:4

Eka negiwacho niya, “Biuru wager dala maduongʼ man-gi ohinga mabor machopo nyaka e polo mondo omi walos nyingwa kendo kik wabed moke e kor piny.”

Chakruok 3:22

Kendo Jehova Nyasaye nowacho niya, “Dhano koro osebedo machal kodwa, kongʼeyo ber kod rach. Kik yiene mondo oter lwete kendo okaw olemb ngima kendo ocham madimi odag nyaka chiengʼ.”

Chakruok 35:24

Yawuot Rael ne gin: Josef kod Benjamin.

Chakruok 42:3

Eka owete Josef apar nodhi Misri mondo odhi ongʼiew cham.

Chakruok 42:38

To Jakobo nodwoke niya, “Wuoda ok nyal dhi kuno kodu; owadgi osetho kendo en kende ema odongʼ, ka gimoro marach otimorene e wuodhno, to ubiro miyo atho gi kuyo.”

Chakruok 43:14

Kendo mad Nyasaye Maratego timnu ngʼwono e nyim ngʼatno mondo mi owe owadu kod Benjamin mondo oduog kodu. To an to kochuno ni nyaka abed mokuyo to abiro kuyo.”

Chakruok 43:29

Kane orango ma oneno owadgi Benjamin, wuod min-gi hie, nopenjogi niya, “Ma e owadu ma chogo, mane uwachona wachne?” Kendo nomedo wacho niya, “Nyasaye mad gwedhi wuoda.”