Chakruok 4:6 - Motingʼo Loko Manyien

⁶ Eka Jehova Nyasaye nopenjo Kain niya, “Angʼo ma omiyo in-gi mirima? Angʼo ma omiyo wangʼi ojuol?

MUMA MALER 2015

⁶ Ruoth Nyasaye nopenje niya, “Ang’o momiyo ikecho, kendo wang’i ojuol?

Chakruok 4:6 ပူးပေါင်းရင်းမြစ်များ

Chakruok 4:7

Kitimo maber donge diyieni? To ka itimo marach to richo okichore e dhoodi, kendo ogomboni mondo okawi, to in nyaka iloye.”

Ayub 5:2

Ich wangʼ nego ngʼama ofuwo, kendo nyiego tieko ngʼama omingʼ.

Isaya 1:18

Jehova Nyasaye wacho niya, “Biuru machiegni mondo wapor wach, kata obedo ni richou kwar manade to ibiro luoki magibed matar ka pe, bende kata bed ni gikwar malich to nobed marachar ka pamba.

Jeremia 2:31

Un tiengʼ masani, paruru wach mar Jehova Nyasaye mawacho niya: “Bende asebedo piny motwo ne Israel kata ka piny motimo mudho mandiwa? Angʼo momiyo joga wacho kama: ‘Wan thuolo mondo waba abaya; ok wanabi iri kendo?’

Jeremia 2:5

Ma e gima Jehova Nyasaye wacho: “En ketho mane mane wuoneu oyudo kuoma, momiyo ne gibaro mabor koda? Negiluwo bangʼ nyiseche manono mi gibedo manono gin giwegi.

Jona 4:4

To Jehova Nyasaye nodwoko niya, “Bende in gi ratiro mondo iyi owangʼ?”

Jona 4:9

To Nyasaye nowachone Jona niya, “Bende in gi ratiro mar kecho nikech otanglo?” To nodwoko niya, “Ee, ber ka akecho, kendo iya owangʼ ahinya, monego atho.”

Mathayo 20:15

Donge an-gi ratiro mar timo gima adwaro gi pesana? Koso nyiego omaki koda nikech angʼwon?’