Chakruok 4:12 - Motingʼo Loko Manyien

¹² Ka ipuro lowo, to ok obi nyagoni cham. Ibiro bedo ngʼat maonge kar dak mabayo abaya e piny.”

MUMA MALER 2015

¹² Chakre tinende, kipuro lowo, to ok nonyagni cham, kendo inibed jabayo ma onge gi kar dakne e piny ka.”

Chakruok 4:12 ပူးပေါင်းရင်းမြစ်များ

Chakruok 4:13

Kain nowacho ne Jehova Nyasaye niya, “Kum mi miyano ohinga.

Chakruok 4:14

Kawuono iseriemba e lowo kendo ibiro pandona wangʼi; abiro bet ngʼat maonge kar dak mabayo abaya e piny kendo ngʼato angʼata moyuda nonega.”

Zaburi 107:34

kendo lowo manyak maber nodoko lowo motimo chumbi, maonge tich nikech timbe mamono mag joma nodak kuondego.

Zaburi 109:10

Mad nyithinde lokre jokwecho mabayo abaya; mad riembgi gia koda ka e miechgi mosekethore.

Ngeche 28:17

Ngʼat moneko chunye chandore enobed gi kuyo nyaka otho; omiyo kik ngʼato konye.

Hosea 9:17

Nyasacha nokwedgi nikech ok gisewinje, ginibedi joma tangni e dier ogendini.

Joel 1:10

Puothe okethore, lowo otwo; cham okethore, divai manyien orumo, mo bende onge.

Tim jo-Lawi 26:17

Anabed ka asin kodu mi wasiku nolou e lweny kendo gininegu; unubed e bwo loch jowasiku, kendo unubwogru gi ngʼwech kata kaonge joma lawou.

Tim jo-Lawi 26:20

Ubiro ketho tekreu kayiem nono, kuchwoyo cham nimar chambu ok nochiegi, kata yedheu bende ok nonyag olembe.

Tim jo-Lawi 26:36

To kuom jou modongʼ ka ngima e piny wasikgi, ginto anagogi kod kihondko e piny wasikgi, ma kata ka yamo okwadho it oboke maponi giwinjo, to giniwuog gi ngʼwech. Giniringi mana ka joma wasigu lawo gi ligangla mi gipodh piny kata obedo ni onge ngʼama lawogi.

Jo-Rumi 8:20

Gik moko duto mane Nyasaye ochweyo nobedo kayiem nono, ok nikech dwarogi, to nikech dwaro Ngʼat mane ochweyogi, ka en gi geno

Rapar mar Chik 28:15

To ka ok uchiwo luor ne Jehova Nyasaye ma Nyasachu kendo ok urito chikene duto adimba kod buchene ma amiyou kawuononi, to kwongʼ-gi duto biro makou.