Chakruok 38:29 - Motingʼo Loko Manyien

²⁹ To kane nyathino odwoko lwete iye, owadgi machielo nowuok mi owacho niya, “Kama e kaka ithinyori oko!” Omiyo nochake ni Perez.

MUMA MALER 2015

²⁹ To nyathino nodwoko lwete iye, mi owadgi machielo ema nonywol mokwongo. Jacholo nowacho niya, “Ee, kamano e kaka imwomori!” Omiyo nochake ni Perez (tiende ni, mwomruok).

Chakruok 38:29 ပူးပေါင်းရင်းမြစ်များ

Chakruok 38:28

Kane oyudo onywol, lwet nyathi achiel nowuok oko; kuom mano jacholo nokawo usi makwar kendo otweyo e ngʼut lwedono ka owacho niya, “Ma ema ne okwongo owuok.”

Chakruok 46:12

Yawuot Juda ne gin: Er, Onan, Shela, Perez kod Zera (to Er kod Onan ne otho e piny Kanaan). Yawuot Perez ne gin: Hezron kod Hamul.

1 Weche mag Ndalo 2:4

Chi wuod Juda ma Tamar nonywolone Perez kod Zera. Yawuot Juda duto ne gin yawuowi abich.

1 Weche mag Ndalo 9:4

Uthai wuod Amihud, wuod Omri, wuod Imri, wuod Bani, joka Perez ma wuod Juda.

Nehemia 11:4

Jo-Juda kod jo-Benjamin bende nodak Jerusalem. Koa kuom nyikwa Juda ne gin: Athaya wuod Uzia, ma wuod Zekaria, ma wuod Amaria, ma wuod Shefatia, ma wuod Mahalalel, ma nyakwar Perez;

Nehemia 11:6

Nyikwa Perez maroteke mane odak Jerusalem noromo kwan-gi noromo ji mia angʼwen gi piero auchiel gaboro (468).

Kwan 26:20

Nyikwa Juda kaluwore gi anywola margi ne gin: koa kuom Shela, joka Shela; koa kuom Perez, joka Perez; koa kuom Zera, joka Zera.

Mathayo 1:3

Juda ne en wuon Perez gi Zera, ma min-gi ne en Tamar, Perez ne en wuon Hezron, Hezron ne en wuon Ram,

Luka 3:33

wuod Aminadab, wuod Arni, wuod Hezron, wuod Perez, wuod Juda,

Ruth 4:12

Koa kuom nyithindo ma Jehova Nyasaye biro miyi kuom dhakoni ma pod tin-ni, mad odi bi chal gi mar Perez mane Tamar onywolo ne Juda.”