Chakruok 37:2 - Motingʼo Loko Manyien

² Ma e nonro mar joka Jakobo. Kane Josef ja-higni apar gabiriyo, nohero kwayo jamb wuon-gi ka en kaachiel gi owetene ma yawuot Bilha kod yawuot Zilpa ma magi gin monde wuon-gi. To Josef nonyiso wuon-gi timbe moko maricho ma owetene ne timo.

MUMA MALER 2015

² Koro ma e wach joka Jakobo. Josef ne en rawera ma jahigni apar gabiriyo, kendo nokonyo owetene ma yawuot Bilha gi Zilpa mond wuon mare kwayo rombe gi diek, to nonyiso wuon mare gik maricho mane owetenego timo.

Chakruok 37:2 ပူးပေါင်းရင်းမြစ်များ

Chakruok 10:1

Ma e nonro mar Shem, Ham kod Jafeth ma yawuot Nowa ma bende nonywolo yawuowi bangʼ ataro mangʼongo.

Chakruok 2:4

Ma e nonro mar polo kod piny kane ochwegi. Kane Jehova Nyasaye ochweyo piny kod polo;

Chakruok 30:4

Omiyo nomiye Bilha jatichne obedo chiege. Jakobo nobedo kode achiel,

Chakruok 30:9

Kane Lea ofwenyo ni ok onyal nywolo nyithindo kendo nokawo Zilpa jatichne ma nyako, nomiye Jakobo mondo okawe kaka chiege.

Chakruok 35:22

Kane oyudo Israel dak kuno, Reuben nodhi moterore gi Bilha jatich ma nyako mar wuon-gi mi Israel nowinjo wachno. Jakobo ne nigi yawuowi apar gariyo:

Chakruok 41:46

Josef ne en ja-higni piero adek kane ochako tich mane Farao ruodh Misri omiye. Kendo Josef nowuok ir Farao mowuotho e piny Misri duto.

Chakruok 42:8

Kata obedo ni Josef nofwenyo owetene, gin to ne ok gifwenye.

Chakruok 45:6

Kuom higni ariyo kech osebedo e piny, kendo kuom higni abich mabiro pur kata keyo ok nobedie.

Chakruok 46:34

to nyaka uwachne ni, ‘Jotichgi osebedo jokwath chakre tindowa, mana kaka kwerewa notimo.’ Eka ibiro yienu mondo udag e gwengʼ Goshen, nikech jo-Misri ok ohero jokwath.”

Chakruok 5:1

Ma e chenro mar tienge nyikwa Adam. Ka Nyasaye nochweyo dhano, nochweye e kite owuon.

Chakruok 6:9

Ma e nonro mar Nowa. Nowa ne ngʼama kare, kendo malongʼo e kind oganda mane nitie kendo nowuotho gi Nyasaye.

Johana 7:7

Piny ok nyal chayou, to an to piny ochaya nikech ahulo ni gik motimo richo.

1 Jo-Korintho 1:11

Jowetena, jood Kloe moko osekelona wach ni nitie dhawo e dieru.

1 Jo-Korintho 11:18

Mokwongo awinjo ni ka uchokoru kaachiel kaka kanisa, to nitie pogruok e kindu, kendo anyalo yie ni wachno en adier.

1 Jo-Korintho 5:1

Wachore e lela ni nitie terruok e dieru, kendo ni en kit terruok ma kata jopiny ok tim; nikech ngʼato terore gi chi wuon.