Chakruok 32:11 - Motingʼo Loko Manyien

¹¹ Alamo ni mondo iresa e lwet owadwa Esau nikech aluor ni obiro biro ma omonja kaachiel gi mon kod nyithindgi.

MUMA MALER 2015

¹¹ Omiyo resa e lwet Esau owadwa, nimar aluor ni dipo ka otiekowa duto, ma ok oweyo kata mana mon kata nyithindo.

Chakruok 32:11 ပူးပေါင်းရင်းမြစ်များ

Chakruok 24:27

kowacho niya, “Duongʼ odogne Jehova Nyasaye, ma Nyasach ruodha Ibrahim, ma ok oseweyo nyiso adierane gi ngʼwonone ne ruodha. To an, Jehova Nyasaye osetelona e wuoth nyaka e od wede ruodha.”

Chakruok 27:41

Esau nomako sadha gi Jakobo nikech gweth mane wuon-gi osemiyo Jakobo. Nowacho e chunye niya, “ndalo mag tho wuora chiegni, bangʼe abiro nego Jakobo owadwa.”

Chakruok 27:42

Kane Rebeka onyisi gima Esau wuode makayo paro timo, noluongo Jakobo wuode ma chogo kendo owachone niya, “Esau owadu nigi paro mar negi.”

Chakruok 32:3

Jakobo nooro joote nyime ir owadgi Esau e piny Seir, gwengʼ mar Edom.

Chakruok 32:7

Kane Jakobo owinjo mano luoro kod kibaji nogoye mangʼeny mi nopogo jambe, gi dhoge kod ngamia e migepe ariyo.

Chakruok 33:4

To Esau noringo oromone Jakobo mokwake; nokwako ngʼute kendo onyodhe mine giywak giduto.

2 Samuel 7:18

Eka ruoth Daudi nodonjo e hema mobet piny e nyim Jehova Nyasaye mowacho niya, “An to an ngʼa? Yaye Jehova Nyasaye Manyalo Gik Moko Duto, jooda to gin angʼo, momiyo isetimona gigi duto?

Zaburi 119:134

Resa e dicho ma ji diyogo jowetegi, mondo eka arit bucheni.

Zaburi 142:6

Yie iwinj ywakna, nimar an-gi chandruok maduongʼ; resa e lwet joma lawa nimar gitek moloya mabor.

Zaburi 16:1

Rita maber, yaye Nyasaye nikech in e kar pondona.

Zaburi 25:20

Rit ngimana kendo iresa; kik iwe ane wichkuot, nikech in ema apondo kuomi.

Zaburi 31:2

Winj ywakna, kendo bi piyo mondo iresa; bed lwandana mar pondo, kendo ohinga motegno manyalo resa.

Zaburi 43:1

Ngʼadna bura makare, yaye Nyasaye, kendo chwaka e kind joma ok ongʼeyo Nyasaye; resa e lwet joma wuondore gi joma timbegi richo.

Ngeche 18:19

Kiketho ne owadu to duoge iri tek mana kadonjo e dala maduongʼ mochiel motegno; to larruok chalo gi dhorangeye mag dala modin gi lodi.

Daniel 3:17

Ka dipo odirwa ei mach makakni, to Nyasaye mwatiyone nigi teko mar resowa, kendo obiro resowa kogolowa e lweti, yaye ruoth.

Hosea 10:14

kuom mano koko mar lweny biro monjo jou, ma mi kuondeu mochiel motegno nomuki, mana kaka Shalman nomuko Beth Arbel e odiechieng lweny, kama mine kod nyithindgi nodhir mopodho.

Mathayo 6:13

Bende kik iwe wadonj e tem, to reswa e lwet ngʼat marach.’

Rapar mar Chik 22:6

Ka iyudo od winyo e bath yo, manie yien kata e lum piny kendo winyo madhako onindo e tongʼe kata oumo nyithinde, to kik ikaw winyono gi nyithinde.

1 Samuel 12:10

Ne giywakne Jehova Nyasaye kagiwacho niya, ‘Wasetimo richo, waseweyo Jehova Nyasaye mi watiyo ne nyiseche mag Baal gi Ashtoreth. To koro sani reswa e lwet wasikwa mi wanatini.’

1 Samuel 24:15

Mad Jehova Nyasaye bed jangʼad buchwa mondo opog wach e kindwa. Mad onon wach makare kendo otingʼa malo; mad ochwaka kendo oresa e lweti.”